「小兄弟,你究竟知道啲咩?」大耳男以祥和的聲音說道。

這時三人與大石聯手的把我圍個水洩不通,彷彿告訴我只要我踏出這範圍半步便會人頭落地。

「咩知道啲咩呀?我真係咩都唔知!」我大腦的迴路根本追不上事態的發展速度。

「真係唔知都唔緊要嘅?我哋都係問下啫。」大耳男邊說罷,向着羊鬚男輕輕點了一下頭。

點咩頭呀!咩意思呀?黑白配呀!男仔女仔配!





羊鬚男嘴角一揚,又是一刺。

唔洗問啦,又係對我。

做咩呀而家!無啦啦閃幾條友話自己係劉關張!郁啲又要劏要殺!古裝戲都冇咁誇呀!古裝戲?

在這生死時刻,我靈機一觸。

「等陣先!」





由於我竭力的呼喊,羊鬚男頓了一頓。

我承勢繼續說下去。

「其實我係隱世既方士,我夜觀天象,睇到紫氣團敘於此,深知有一顆帝星即將在此冒起,我趕路至此,一睇到劉大人我就知閣下就係紫氣嘅主人。」我一換腔調,轉身變成電視上古代方士的說話方式。

三人看著沒有一絲表情,顯然沒有一點動搖。

「你又真係當我哋傻㗎喎。」陰邪男用他那高半度的聲音鄙視的說道。





羊鬚男又逼不及待的說道「同佢講咁多廢話做咩,殺左個廢柴未乾手淨腳!」,大耳男一語不發,羊鬚男恰如被久困獸籠的猛獸,二話不說就舉槍準備刺下來。

「大佬,冷靜啲先,橫掂都聽左小人咁多廢話,不如聽埋我解釋先再殺都未遲。」我以卑躬屈膝之態向他們懇求。

我們三人不約而同的把目光放在劉備身上,劉備微微點頭,然後他們三人眼神瞬即把目光轉投於我的身上。

雖然三人眼神各有不同,但顯然並無一雙是友善的,在這無聲的壓力之下,我深呼吸,保持我的頭腦清醒。

「我真係冇講大話,你地有冇聽過鬼谷子?佢係戰國時代著名既隱世方士,我就係佢嫡傳弟子既子孫,我地家訓係修身莫問世,但係我又唔想空有一身本領,所以就離家出走,尋覓明主,另外呢身裝扮係我家既方士服裝,相信你哋都未見過。」我凝重認真的道。

「小兄弟,你口講無憑,究竟有咩憑證?」大耳男好奇的道。

哈哈哈哈,睇黎係我贏,你哋通通都被我呃曬!

「為咗令你哋相信我講既野,我無辦法唔展示下我既功力!」我又正式的說。





我偷偷的從口袋中把手機拿在手中,把手機完全覆蓋,然後胡亂作法一番,再把手放在雙眉之上,就像要眺望一般,一聲叫喊「哈!」,與此同時,以姆指按一下開機按鈕,令到眼前一光。

他們三人看得目瞪口呆,頓時變成看戲法的觀眾。

戲法耍完,我小心翼翼的把手機放回口袋中,唯恐他們三人看到。

我接著又道「我知道了!劉兄你原來係漢景帝第九子中山靖王劉勝之子既後代,咁由你黎匡復漢室都絕不為過,漢室有望啦,可喜可賀!」

「哈哈哈!」羊鬚男雄渾的笑聲中充滿殺意。

大耳男及時揚手,止住了羊鬚男。

「確實,吾乃中山靖王之後,漢景帝玄孫,小兄弟神通廣大,在下失敬。」劉備微笑在掛在那祥和的臉上,有種說說不出的詭異。





這一片肅寂嚇得我滿身大汗淋漓,還以為這是錯誤歷史,還有幸好我溫書時有看過,要不我再熟識三國都絕不能這樣流利的說出這些,果然運氣都算是實力的一種吧。

「大哥…」二人臉上充滿了疑惑。

「對唔住呀,呢啲關係我諗講左你哋都唔信,所以我先冇講,希望你地體諒我。」劉備輕按二人的手,再給了一個眼神。

張飛依舊沉默。

「我果然冇跟錯人,大哥就係人中龍鳳。」關羽自豪的說道。

「小兄弟果真得道術士,如蒙不棄,能否與我等共謀大業?」劉備的語氣又回復慣常的慈祥。

「劉大人既有紫光之象,又係皇室宗親,正是我所尋找既明主,小人願效犬馬之勞,為劉大人出謀獻策,在所不惜。」這根本不是問句,我亦毫無選擇的空間。

大家可曾想過作為一代將軍謀士,與強敵鬥智鬥力,是何等令人興奮雀躍。





真的嗎?

每天提心吊膽,奔波勞碌,這絕不是好玩的遊戲,而是一場以生死作賭注的博弈,

最重要的是,

我只是棋子。


「啊係啦!我仲未請教......」

突然周圍一陣鼓動,

「蒼天已死,黃天當立…」
已有 0 人追稿