「好波呀,估唔到真係咁都贏到」傻韋邊講邊舉高隻手示意我give me five 。


「我都估唔到你幾好波」講完之後我都回應左佢個give me five。


「下一場聽日放學先再打,大家番去休息一下啦」阿sir 同我地講。


好彩聽日先打,我已經無咩氣。正當我想去廁所換衫個陣,我比人攔住,宜果個人就係阿晴。






「我真係無睇錯人,你真係幾好波,聽日都要加油呀」阿晴佢邊講邊從手上攞左條毛巾比我。


「盡力啦,今日好彩先贏到姐」我講完之後扮曬唔知佢叫咩名咁,第一次嘅正式自我介紹。

「話說我都無同你自我介紹,我叫」

「你叫阿健嘛,我知道呀,係你唔知我係邊個姐」佢笑著咁講。





「我叫林玥晴,大家都係5A班重要坐你格離,係球隊經理人,多多指教」

「個自我介紹會唔會太正式呀,見工咩」

佢聽到我咁講之後,唔知點解笑到停唔到口咁,佢笑點睇黎好低吓。

我只能再同佢講「真係咁好笑?」

「好啦好啦,你同佢地一樣叫我阿晴得啦。」佢邊用手刷走自己嘅眼水邊同我講。





佢又同我講「第一次同你正式傾計就咁無形象啦,你要負責呀。」

「咁你想點先,我無咩比到你呀」我邊講邊用兩隻手交叉重疊扮保護自己。

「我就係要你個人黎...........同我一齊上去排隊買蛋糕呀,一人只係限買一個炸」

「好啦好啦,等我換件衫就一齊上去啦」我講完之後就走入更衣室。

把口就講到咁冷靜,同阿晴嘅第一次約會呀,點可能冷靜到。

我用9秒9嘅速度換好衫,一支箭跑番番出去。

「你咁快換完嘅」坐起更衣室出面嘅阿晴對我講。





我回佢「我平時都係咁㗎,加上廢事要你等咁耐呀」

「好啦,我地行啦,再唔行會比人買曬啦」佢笑著對我講。

「知啦知啦」
已有 0 人追稿