鈴...鈴....鈴

「幾點呀,咁早就響,你個野壞左呀」我望住一個7點十分響嘅鬧鐘講。

反正起左身,咁咪早d刷牙洗臉出門口囉。但係我好似唔記得左d咩咁,點解我要早起呢?

時間啱啱好20分出門口,一出升降機門口就見到一個熟悉嘅面孔,我終於記得我唔記得d咩啦。

「你真係啱啱好20分喎,約左女仔就應該早d啦,你睇下平時d電視劇呀小說呀,都係男等女㗎,下次記得啦。」詩雅對我講。





「得啦得啦」我根本就唔記得約左佢,係咁宜覆下佢。

我同詩雅一行出屋企大堂門口就見到有一個男人行過黎,宜果個男人正正就係琴日比賽炒人21比4個隊嘅王牌中鋒。

「我咪同你講左我唔會同你拍拖㗎,你唔好再起到等啦」詩雅同果個男人講

「我係唔會放棄嘅,平時d女都係自己痴埋黎,係得你唔同炸」個男人講

「你放棄啦,我已經有男朋友啦」詩雅邊講邊拖住我





「你好像好熟口面喎,琴日你係咪有打校隊比賽㗎」個男人對我講

「我男朋友阿健佢好勁㗎,今日你實輸比佢㗎,你走啦」詩雅同佢講

我心諗唔係咁大整蠱呀,佢地琴日大炒人,我地都係險勝炸,點打呀。

「你好野,我係唔會放棄㗎,今日我就要起籃球場上面打爆你男朋友」佢一講完就轉身離開


「大佬,你係唔係整蠱我呀,一朝早就玩d咁嘅野」我對詩雅講





「唔好意思,我知道佢一定過黎等我,我借左你過橋」佢眼有淚光,用水汪汪嘅眼神望住我對我講

事問有邊個男人見到唔會心軟呀,我只好覆佢「得啦,唔好用眼淚攻勢啦,你話點就點啦」

「你話㗎,好彩阿晴同我講左你係個好宜心軟嘅人黎姐」佢邊擦眼睛邊同我講

「死火,好似中左圈套」我搖頭表示無奈

「你話咩都應承我㗎」我笑住同我講

「都洗濕左個頭,你話點就點啦」我覆佢

「我個要求好簡單,就係做我嘅一日男友」佢好認真咁同我講





「唔係呱」

「認真㗎」佢一講完就用手橋住我隻手

「去坐車番學啦,阿健」
已有 0 人追稿