打完球之後休息左一日,今日星期日。

成個星期六咩都無做過,睇下有咩做先。

啱啱起身嘅我決定落街食個早餐先再諗做咩好。

一落到去留下居然見到詩雅啱啱出升降機。

「早晨呀,阿健,咁啱見到你」佢向我打招呼





「早晨....」星期五嘅事令到我有d尷尬唔知講咩好

「咁早起身,不如一齊食個早餐啦」佢講完之後一手拖住我行左出去。

我地行到去一間餐廳坐低食早餐。

「估唔到你咁早起身喎,重以為你無三點不露嘅人黎。」詩雅笑住對我講

「琴日休息太耐,今日咪早d起身囉」我覆佢





「話說你本身落黎做咩㗎」我反問佢

「係喎!我本身想食完野去睇戲,反正你都無野做啦,不如陪我去睇戲」佢對我講

「好啦,反正又無野做。但係你睇咩戲先,太悶嘅我唔會睇㗎」我講

「保證你一定會覺得好睇」佢笑住講

好快我地就食完野去睇戲。





行到去戲院入面,我同詩雅就行去買飛。

「睇下有咩戲睇先」我望上去售票處上面睇下有咩戲上映

我睇左幾眼就到我地買飛。

「唔該要兩張‘你的名字’嘅飛」佢對售票員講

買完飛之後我地行埋一邊唔阻人排隊

「重有成個鐘先入場,上去商場行下先啦」佢講

「好呀」我對佢講

我地行左上去商場。





「係喎,話說你鐘意睇哩類型嘅戲咩,我估唔到喎」我對佢講

「我記得以前你......」佢細細聲講

「吓?」我聽唔到佢講咩

「無野啦。我不嬲都鐘意睇新海誠嘅動畫電影,今次上映無幾耐就走左黎睇」佢講

「好彩我都係姐,估唔到我地都會有興趣一樣」我對佢講

「我記得細個個陣第一次戲院睇戲就係睇秒速五厘米,重要同一個.......」我好似唔記得左d野點諗都諗唔起

詩雅苦笑左幾下,指住前面間咖啡店。





「過去坐下先啦,坐下時間好快過」佢對我講

我坐低起咖啡店不斷回想,發現我好似唔記得左好多野咁

「諗咩諗得咁入神呀,唔會係諗住阿晴呀」詩雅苦笑住同我講

「唔係呀,啱啱講起睇戲我諗番起我有d野我唔記得左,點諗都諗唔起但係又好似好重要咁」我對佢講

「唔緊要㗎,就算唔記得都唔緊要,有陣時d野唔突登諗可能會自己跑番出黎呢」佢安慰我

「估唔到你都識安慰人喎」我笑佢

話咁快夠鐘睇戲,我地就行番去戲院睇戲。

成套戲都唔錯,本身都想黎睇,但係一個人睇又有d毒。





睇左後段男主角起女主角手上寫「喜歡你」之分離個段詩雅起戲院爆喊,附近d觀眾都望過黎我地嘅方向

我見到咁嘅情況都唯有借個肩膀比佢用下。

抱住我隻開始冷靜番個陣,啱啱好播到最後5年後男女主角重逢。

男主角問女主角以前係咪見過你,而女主角都回覆佢都覺得以前見過面。最後男女對問對方個名個陣,詩雅又開始喊。

戲院燈光開始慢慢打開,詩雅嘅心情重係未平復。

「好啦,都happy end,唔好喊啦」我安慰佢

「點解...點解電影就happy end,現實就....」佢講完之後又喊過,我真係講多錯多。





過左一陣,佢心情又開始平復番,我地就出番去出面,廢事阻住d職員。

「好番d未呀」我問佢

「好好多啦」我邊刷走淚水邊對我講

「啱啱戲飛錢都未比你,不如我請你食晚飯啦」我講

「你話㗎」佢講
已有 0 人追稿