風之軌跡（校園，戀愛，籃球）: 蘇生的軌跡 中

我同詩雅兩個人離開左運動場去左附近行，見到有間甜品店我就同詩雅佢行左入去。

我望左望餐牌見到有草莓蛋糕，佢令我諗番起之前同阿晴放學排隊買草莓蛋糕，回憶番之前我同阿晴既事我忍唔住笑左笑。

「做咩望住餐牌傻笑呀，有d咩咁好笑」詩雅抱住好奇嘅心問我

「無野呀，諗番起d野姐，快d叫野食啦」我嘗試轉下佢話題

「好想知呀，話比我知啦，你唔話比我知我嬲㗎」佢依然窮追不捨咁問我





望住佢扮嬲嘅表情我都唔知講唔講好，咁我唯有亂講「啱啱我諗起傻韋佢同小雪嘅事姐，唔知小雪佢點」

「你放心啦，傻韋佢一定失敗㗎，唔洗理佢㗎」佢笑住講

睇黎我成功轉移話題，我放心咁叫野食。

食左一陣，我見時間差唔多就快比賽，我就提議買d野食番去，詩雅佢都贊成。我馬上叫左草莓蛋糕外賣，詩雅都叫左d。

行到番去比賽場地，我望向觀眾席座無虛席。人山人海之中我地終於搵到阿晴同阿傑，佢地兩個格離坐住小雪同阿玲。





「你地到左拿，小雪你有無好d呀」我關心下小雪

「無咩事啦，今日你地加油呀」小雪對我講

「brian佢地已經去左練波熱身啦，快d去啦」阿晴講

「好啦我去練波先，買左草莓蛋糕比你呀，雖然應該無學校上面果間咁好食」我講完之後馬上行落去練波

望住成個運動場上大大話話都有十幾個場，我唯有一個一個咁搵傻韋佢地，行左一陣先搵到佢地。





「練下波先啦」傻韋邊講邊傳個波比我

我一接到波就直接三分線外遠射，精準咁射入籃框。

「手感唔錯喎，今日一定要攞冠軍番香港」brian講

練左一陣，好快就開始比賽。比賽一開始採用淘汰賽方式淘汰到8隊，比賽用美國街場3打3方式打21分入波果隊開波。

我地一直過五關斬六將一路打入8強，全場嘅目光焦點起我地呢8隊上面。8強賽事佢分開唔同時間比賽，一場打完到下一隊打，焦點會集中d，宜第一場就係我地打先。

「lady and gentlemen,歡迎收看比賽。八強賽第一場是由來自香港的隊伍———風之軌跡對上我們本地隊伍————-星晨。給他們掌聲歡呼吧」主持人攞住個咪好激動咁講

「估唔到咁認真喎，有曬主持有曬電視直播」brian講

「啱呀，輸左好柒㗎」傻韋講





「盡力啦，淘汰賽易打，到左宜家8強賽一定無咁易」我用認真嘅表情講

突然聽到一把聲叫我，我望過去見到柏韋企左到

「沒想到8強賽第一輪就對上你」佢對我講

「我不會放水的」我用我幼稚園級別嘅普通話覆佢

睇黎第一場應該唔係可以輕鬆打贏。