風之軌跡（校園，戀愛，籃球）: 遊樂場 下

我地四個人坐好曬準備好開始賽車，最後一個遊戲關乎勝負同洗唔洗請野飲嘅命運，我一定會出盡全力比賽。

三.....二.......一開始！！！

畫面倒數完之後我馬上踩油向前，但係都係比傻韋超前，估唔到傻韋挽賽車遊戲真係幾勁。

「食塵啦，阿健」傻韋不斷加速向前，我一直緊除其後。

「小雪靠你啦」傻韋叫小雪用車撞向我架車到，令到我減速。





「估唔到你地咁矛」我忍唔住講

「兵不厭詐呀健哥，只要有人贏第一就得啦，今次一定贏到你地」小雪邊講邊繼續撞向我架車。

我望向我嘅隊友阿晴先發現佢連揸都唔識揸咁，一直撞向兩邊嘅牆。睇黎今場要贏基本無咩可能。

既然唔可以靠隊友，咁只可以靠自己。我見到地圖話前面有幾個彎，我唯有靠呢幾個彎分開我同小雪嘅距離。

我一路加速利用內線過彎，好快終於過左小雪嘅追擊。我望一望地圖上面仲係同傻韋有一大斷距離，我唯有全速唔收油直踩。





「 我依d咪叫做資質囉, 點飄移呀,一入彎,拉一拉手掣,架車bell一bell咁, 咁又點呀,型囉」傻韋對住我講

「我一定追到上黎嘅，你無得同我㗎fc鬥...fc鬥」我扮回音不斷講fc鬥

我都唔係淨係得把口，利用加速同飄移入彎，好快終於明到傻韋起前面唔係太遠嘅位置。

「咁快追到上黎」傻韋望一望地圖見到我已經追到上黎

我都望下地圖，睇黎就快到終點，只有最後一個彎位可以贏到佢，我只可以將所有希望寄托起最後一個彎。





終於黎到最後一個彎位，我已經準備加速內線過彎。

「上呀」我全速切入內彎希望過到傻韋

我利用飄移終於成功同傻韋平排不分上下。

「要贏呀」我邊大叫邊踩行油，終於輸出全靠大叫，好快衝過傻韋直接勝利，我衝線果刻馬上跳起大叫。

「yeah，終於贏到一場啦」阿晴都開心到大叫

「你咪又係要請野飲」我笑住串下阿晴

「你好衰呀阿健」阿晴對住我講

「點解呀，我究竟輸d咩」傻韋突然大叫





「算啦，我地都盡曬力挽，都係贏唔到」小雪安慰傻韋

比小雪安慰完嘅傻韋馬上回番神變番平時嘅佢

「今次比你地贏下，下次一定贏」傻韋對住我講。

「好啦，去買野飲啦」詩雅笑住講