為左一千蚊，成班港豬幫建制做PTGF: 3.7

「所以佢咪成世屈係學校到教書!因為佢呢套根本就唔Work!講就大大聲，做就收哂皮!」老總一拳打落張枱到，我相信佢都充滿怨氣。

「我唔信冇左中資資金就做唔到新聞!」

「好多人都會睇新聞但冇咩人願意比錢睇新聞。傳媒呢一行根本搵唔到錢，如果冇紅色資金，我地一早執左!生存同生活之間，有時候就要作出取捨。」老總點燃香煙，每當佢有野諗唔通既時候，佢就會食煙。

為左做新聞，我可以生存而唔係生活。

對我黎講，做一單好新聞就係應有既生活態度。





我已經將新聞視為我生活既一部份。

「我會證明比你睇，就算冇左紅色資金都可以做到好新聞!」

「只要唔理政治，我地依家都做到好多好既新聞。只要有錢，旅遊版可以去歐洲，娛樂版可以去康城，文化版可以去瑞典，呢d就係做好新聞既先決條件!」老總指住身後面既獎項，展示自己做過既好新聞。

「香港大把好新聞值得我地去做。」

「你想做既我唔阻你，門口係後面。」老總托住頭，嘆一口大氣。





我相信今次呢單新聞一定可以引起市民大眾既關注。

我唔知泛民既示威者有冇收錢，但我肯定既係建制示威者一定大把人收錢。