我要係20歲之前，將女神變做女朋友: 第五節:機緣

到左第二日返學，我早左少少返到學校照舊坐返係個角落位。

望住依然陌生既大家一個一個咁入到課室，我心裡面諗幾時大家先會有講有笑成為一班好朋友.....

直到上堂前五分鐘，我心目中嘅女神依然仲未返到嚟，其他同學已經返得七七八八，老師亦都到左。

陳老師岩岩開口講第一句嘅時候，佢就咁岩打開門入到嚟課室，陳老師望左佢一眼就繼續講野。

班上面嘅空位已經得返好少，得返我隔離同前一排近走廊嘅位。我心諗仲唔係上天賜比我嘅大好機會~~



佢每行一步我個心就大跳一下，佢行到我地兩行嘅中間位，佢毫不猶豫坐左係我.........前面個排。

唉我依世注定無囡埋身架啦，我嘆左一口氣，我隔離三個位都係空嘅，搞到我自成一角咁樣。

過左一至兩個鐘堂之後陳老師要求我地分組每五至六個人一組。

因為尋日進行嘅小遊戲令到大部份人都搵到岩傾嘅人係埋一組，望住其他人都開始有組而我仲坐左係原位我女神亦都一樣。

直到我嗰行其中一個女仔講:



"不如就我地五個一組啦，見大家都怕怕羞羞無起身搵其他人組隊"

我猶豫左一陣佢地四個都已經有共識，直到其中一個女仔叫我一齊坐埋啲。

其實我諗嚟都多餘，一個大好機會擺到埋嚟唔通仲拒絕佢地咩...況且我唔入依組都無其他組會要我.....

眼見全部人都已經有組，陳老師就講嚟緊一年時間大家都要互相合作做好每一份assignment。

講完之後佢地話今日都差唔多就放左我地落堂，大家亦都準備去放飯。



但係一開頭邀請我地入組嘅女仔留左我地係到:

"不如我地交換手機numer開一個wts group岩岩老師都講到我地一組就組成年，方便大家功課上溝通。我叫Jaffy你地呢?"

我地都好讚成佢嘅講法，我地一邊交換numer一邊自我介紹一次。

"我叫阿冬呀妳呢?"

"我叫Katarina尋日都有自我介紹過架妳咁快唔記得我個名啦?"

"我尋日聽唔清楚呀 sorry....."

"講下笑渣，唔洗say sorry喎，依一年多多指教啦!"

我仲未回應返佢，佢就比返部手機我，就去左同另一個女仔交換numer。



交換完之後Jaffy就好快手開左個wts group邀哂我地入去。

"好 齊哂人啦，不如我地一齊去食飯呀，我諗你地都無約其他人架啦!"

Jaffy主動邀請我地一齊去食lunch我地當然無人拒絕到。

就係因為依一次機緣之下我同佢講左第一句野亦都交換埋手機numer，我地嘅起點就係依到.......




連登同步更新鐘唔鐘意都可以入去留個正/負皮，想討論亦都可以多人嘅話會考慮多互動~
https://lihkg.com/thread/1241736/page/1