用粵文寫最開心的地方,是可以盡情去發揮對話的樂趣。就算不用髒話,我相信也能表達出二人在互相「作弄」之間的情緒變化,不用「畫公仔畫出腸」。當然是不是令大家喜歡,真的因人而異。

第一章:我有我寫故,妳有妳驅鬼 (二)

//……

佢好仔細咁望住塊鏡,好似好集中精神咁,呢個時候,我係咪應該提一提佢我上次嘅事先呢……





「呀……其實我應該點叫妳?」

佢冇應我,仍然係望住咗塊鏡。

「……我有單野都想同妳講咗先……」

佢仍然只係望實塊鏡,無咩反應。

「……我之前試過望實塊鏡,之後唔知點解睡著咗……」





呢個時候佢突然雙腳無力咁想跌喺地下,我即刻一手扶住佢,見佢迷迷糊糊咁,對眼重開始反白,好唔掂咁!

「喂!妳無事呀?醒醒呀!」

佢成個人訓咗喺我身邊,好似問米婆咁唸經,成身係咁震,死啦!唔通比鬼上身?

突然間,佢醒一醒,雙手用力拍自己個頭,成個人好似通咗電……唔係好似,係直情觸電!我都比佢啲電流電親,一手推開咗佢,結果佢就成隻四腳爬爬咁撻咗喺地下,連頂帽都飛埋出嚟。真陰公……我意思喺佢個胸……

「吊你呀!攪撚錯呀!你老味有冇人性架!推鳩我落地?好姆痛呀!」





「咁……頭先好似觸電咁呀麻,推開妳純屬自然反應唧?」

佢慢慢咁坐返起身,回一回氣。咁有中氣去講粗口,即係無事喇。

「頭先……你係唔撚係同我講野?」

「係呀……」

「……呢塊鏡有野,不過……又唔係主體……好似係殘留咗啲能量喺到……」

咁到咗呢個時候,我只好再講一次。

「……我之前好似妳咁,一直望住塊鏡,之後就無啦啦訓著咗,當我醒返之後……已經返咗屋企……」

佢一路聽就一路啤實我,一步一步行埋嚟,而且有啲殺氣。我越講越細聲:





「……妳……覺得同……呢單野有冇關係?」

「你條仆街唔好等我死咗先裝香同我講?差啲畀你累撚死喇!」

我都預咗畀佢爆我,不過我有錯在先,就由佢……佢條氣chok住chok住咁再講:

「你仲有無咩未撚同我講架?」

「無啦……」

佢嘆一嘆氣,我又突然記起一件事:

「呀……唔係唔係……我係夢見到啲野!」





我個刻完全感受到佢嘅火,係內心燒到呼呼聲!

「……我見到有個男人叫我幫佢私奔……」

佢諗咗一陣,答我:

「……係咪著住白色底衫灰色長褲嘅撚樣!」

「……係男人呀……」

「咪即係撚樣囉!之後點呀?」

我真係無佢咁好氣……

「……之後咪諗住幫佢,但畀個大隻佬阻一阻……咁好彩又見到呢塊鏡,之後醒咗……」





佢一時望住我,一時又望地下,隔左幾分鐘之後,好似決定點做。

「你跟我嚟!」

佢捉住我隻手,拉我去塊銅鏡面前,用對手夾實我個頭望住塊鏡……

等等!做咩要我對住塊鏡?

「喂!妳想點呀?」

佢見我反抗,之後成個身連對腳咁鎖實我條腰,壓住我唔畀我走!

「你比佢催眠你啦!唔係咁我點撚知去邊到搵佢呀!放心啦!有我喺到!」





佢嘅關節鎖好堅,明明我都係個都算正常大力嘅男人,竟然比個160嘅靚妹鎖到我反抗唔到,重要係咁質我同塊鏡嘅自己打車輪。望多兩望,我慢慢失去知覺,返咗去個夢到……//

(待續)
已有 0 人追稿