我一星期零一日前識咗個女仔，我愛上咗佢。: 一切之前

「喂？做咩？」我同係電話入面嘅呀明講。
「想問吓呢，你知唔知個隊係旺東站做開嘅busking team叫咩啊？」
「大佬我點知..我又唔係個頭busk開..」
「栩哥幫幫手啊！最多一餐飯！」佢用懶係慘嘅聲黎求我。
我反咗個白眼，然後直接講咗個隊名比佢知。係啊！其實我知，而且有一個隊員我係識嘅。
「咁得未？冇嘢...」「你肯搵條女未啊？」呀明打斷咗我。

唔係你話搵就搵咁簡單...

佢所謂嘅個條女，只不過係有次碌ig嘅時候我話：「如果識到就好。」嘅一個女仔。睇相望落唔高，我估16x多右，係啱啱好嘅身高同有啲肉地，齊陰加眼大大，個咀仲要係性感地厚。最重要嘅係佢唱歌好鬼好聽。之前去親聽佢busking都一定會聽到哥哥首有心人。唔知係佢純粹鐘意定係唱比男朋友聽。啊係，條女最唔掂就係名花有主呢一吓。




「咪玩，人地有仔。btw唔講啦，係咁啦。」我話。
我講完之後就cut咗佢線，繼續返今日嘅假期。望一望手機，發現原來已經一點幾，差唔多要起身。我個人好唔鐘意起身之後唔沖涼唔刷牙就做其他野，唔知為咩但係唔做齊都真係幾冇feel。搞掂曬所有野，又係時候諗買邊間外賣。呢種生活係自從個ex走咗之後先開始。

- - - - - - - - - - - - - - - - - - - - - - - - - 
「喂栩b~」唔知幾時開始我女朋友就係用呢個名黎叫我。其實個名係有啲唔知點咁架啦，叫吓叫吓又好似習慣咗咁，所以就由佢咁樣叫我。愛情就係咁樣架啦，有啲嘢擺到明係唔知點樣咁，不過你就係因為每一日都有佢嘅出現，就慢慢逐漸習慣咗。
「咩事啊？」我坐咗係床上面大嗌出門口，佢啱啱去完街市返黎。
「冇啊，今晚你想幾點食飯啊？」佢路講一路行入黎搵我。

每日唔係對住部琴就係對住枝結他嘅我，唔係好留意到我女朋友個身上面著住啲咩，甚至有冇化妝，不過佢呢吓扎住頭髮行入黎真係搞到我有少少心動。佢著住一件有少少鬆身嘅白色T，隱隱若若見到佢個黑色bra，呢種若隱若現嘅感覺真係好令人吸引，然後一條黑色帶白邊嘅運動熱褲，將佢白滑到基本上毛都冇條嘅長腿毫無遮掩咁展露係大氣之中。講真如果有條女咁樣係你面前，就算對咗10年嘅女朋友都係會令到你有起帳篷嘅感覺。





「b~」佢嗌我。
「...」我掛住望佢嘅身材望到我冇比到反應，因為我真係唔想將係佢身體上嘅視線移開。
「喂~你做咩呆咗咁望住我啊？」佢慢慢爬上黎我到。正對住我咁坐係我大脾上面，用佢幼細嘅雙手撓住我條頸，一邊係我耳邊細細聲講嘢，一邊掃我嘅頭髮。
「我諗緊幾點食飯好啊嘛..」我都唔知點解我要講大話。
「明明就係望住我對波黎發呆！你係咪又諗埋啲衰嘢！」佢用少少嬲嘅語氣講，不過我知道佢只係得把口。
「咁我嘅柔柔咁靚，唔睇望多幾眼點得啊？」
「又口花花啦~唔理你啦！而家我去煮飯啦，一間仲要拖地啊！」柔柔有啲怕羞咁講。
「愛你啊。」係佢慢慢企返起身嘅時候我錫咗佢一啖，之後佢再輕輕咁錫返我。

我同柔柔一齊咗大概兩年半，平時屋企嘅野都係佢幫我搞。食嘢，執屋，打掃之類，我只要比租，間唔中買嘢比佢氹吓佢開心，一有時間就陪吓佢就夠。以我個人黎睇呢段關係，我唔覺得有咩問題，自少佢係愛我又唔會點亂發脾氣。我亦都好愛佢，我收入唔多但係都會將大部份嘅錢投放係呢個家入面。冇錯，我同佢連婚都未訂我已經將呢到當咗係一個家，因為我真係好想同佢行落去。




- - - - - - - - - - - - - - - - - - - - - - - - - 

今晚嘅晚飯係焗豬，仲要係唔好食嘅焗豬。飯同個豬好難唔好食所以冇咩事，但係個汁真係搞唔掂，有一陣唔知咩味係到，仲要好撚酸。

勉勉強強食完之後我又攤返係床到撳手機，但係諗起呀明今日叫我試吓去搵個個唱歌嘅女仔，我隨手就係Following個到Search佢個profile出黎。
「sing_nicho1e...」我自然自語... 
「不過我第一句應該講啲咩好呢？講hello又好似好狗公咁，喂人地又好似唔係幾好咁...又唔熟...唉！點解搵一條女都可以咁撚煩架？」我呆咗係個chatroom到十幾分鐘，依然都係打唔出啲咩。

諗咗陣都係諗唔撚到，打算去拎少少嘢飲吓，點知望一望個鐘，屌！原來已經凌晨三點幾，聽日仲要起身去錄音。所以最後是是旦旦打咗句「hi我係呀栩，想睇吓你有冇興趣一齊busking架。」就算數。因為聽日真係要開工，黎緊有一個大Project係要幫一個網絡歌手錄音，而家唔訓之後都冇得我訓，Send完個message比Nichole就走咗去梳洗準備訓覺。

「叮~」啱啱放低嘅手機又響起黎。
我望咗一望... 係佢！「hi~你點解會搵到我嘅？」