《無啦啦多左幾個家姐同細妹Season 3》: 終於..

終於…經歷左咁多野…終於帶到二家姐返黎…
 
嘩頂…一時間眼濕濕添…唔好俾佢地睇到先得…
 
我話要出去搵晨哥講兩句，其實就係唔想比佢地見到我呢個衰樣。
 
但我又無諗到外面既晨哥都會戲弄我一番，我應該要諗到呢一點先係。
 
晨︰「喂喂喂，你唔係吖？喊啊？傻豬黎既唔好喊啦哥哥呵返好唔好？」
 


佢一邊講一邊用力捽我個頭，我雖然好想反抗但呢刻顧唔上呢啲，我只係想快啲擦乾眼淚返入去搵佢地。
 
捽到眼都痛埋眼淚先有停既慼覺，終於可以返去搵佢地啦。
 
晨︰「喂。」
 
就係我再一次轉身準備入返屋既時候比佢叫住左我，我只好望過去睇下佢又想點。
 
令人出符意料既係，佢今次咩都無做。
 


佢只係雙手插住袋，懶係野咁講左一句說話。
 
晨︰「恭喜你，好好珍惜呀以後唔好再比你二家姐走啦知唔知？」
 
佢居然會咁安分，真係有啲嚇親，一時間都唔知點比反應佢先好。
 
不過點都好，我都係好多謝佢幫我做左咁多野，如果無佢既話我諗我都無可能成功。
 
結果我都係要靠人幫先能夠成事，唉。
 


我最後只係向佢揮揮手，之後就返入屋搵大家姐佢地。
 
大家姐仍然一向既往笑面迎人，而二家姐就攬住阿日同Ashley，似乎係同佢地道歉，定抑或道別？我唔知道。
 
大家姐︰「好喇~我地都係時候返去啦，屋企仲有人等緊我地返去架。」
 
大家姐不愧為大家姐，講句說話都有說服力啲多啲人肯聽，在場既人都紛紛停低聽佢講野。
 
Ashley︰「咁我..送你地出去啦。」
 
我︰「點解你要送我地出去，你地兩個都要跟埋黎喎。」
 
唔知係咪我講野既語氣有問題定係有其他問題，大家聽完我講都呆左一呆，無人比反應。
 
我︰「eh…我係咪講錯啲咩？」


 
Ashley︰「唔係…唔啦我地唔去啦，個邊係你地屋企，你地返去啦。」
 
事到如今仲講呢啲野…真係吖…
 
我︰「我咪話左囉你地都係我既屋企人，即係我既屋企都係你既屋企，明唔明？」
 
Ashley無再駁嘴，只係點左幾下頭，之後晨哥就係出面返左入黎話我地咁多人一架車唔夠坐，叫我跟佢車，等佢送我返屋企。
 
就係咁，我地一行人就離開左赤柱，開始踏上回家既路途。
 
可能係因為一早就出左門口仲要頻頻撲撲，我居然攰到坐坐下晨哥車訓著左，直至返到屋企門口我先識醒。
 
晨︰「唷，終於醒啦？你都幾好野喎坐我車都好意思訓覺，而家當我司機吖？」
 


我︰「唔好意思囉…太攰啫…」
 
晨︰「哈哈哈哈，我都係講下啫，算啦你都攰啦，返去好好休息下啦黎緊仲有好多路要行。」
 
的確，佢講得無錯，來日方長，之後仲有好多路要行，好多野要面對。
 
不過做人最緊要都係活在當下，好好享受現在，好好珍惜身邊既人。
 
所以我都無再浪費時間，點左下頭就落左車，準備返入去搵Sarah佢地，比佢地睇下我帶左邊個返黎。
 
就係呢個時候，二家姐架車都岩岩到抵埗，真係時間岩岩好。
 
我地五個人一齊行向屋企，但都未伸手拉開大門，大門就已經為我而開，唔知仲以為屋企換左自動門。
 
開門既人會係邊個？唔洗我講大家都估到啦，點都唔會係蘭姨既。


 
無錯，你地估岩左，開門既人就係Sarah。
 
我︰「Hi…你睇我…」
 
Sarah︰「二家姐！！！！」
 
我句野都未講到一半，Sarah就奪門邪而出，撲入二家姐既懷裡。
 
唉…我都預左會係咁…只係無諗過佢反應可以快到一開門諗都唔洗諗咁濟就直接撲上去二家姐啫。
 
但見到佢攬住二家姐咁開心既樣，咩都無所謂啦。
 
Yui︰「阿明。」
 


同Sarah唔同，留係大門後既Yui而家先緩緩行出黎，走到我身邊。
 
Yui︰「辛苦你喇。」
 
四個字，只係四個字就攻陷左我既防線，唔知咩事成個人好似…我唔識形容…好…真係辛苦…？
 
我慢慢地，溫柔地抱住係我身邊講出呢句「辛苦你喇」既Yui。
 
其實我係想好似Sarah咁用力抱住Yui，但我做唔到。
 
事實係而家我連想咁做既力氣都無。
 
我︰「我地返黎啦Yui。」