那個男人思考了一會兒後,說:「嗰邊有條樓梯係直接通往商場嘅天台,你哋有無去過?」我們搖搖頭,正當他想說下去時,短髮女孩猛然轉過頭,望向右後方。「做咩呀?」我問,順着她的視線望過去一輛巴士的車底,然而那裡甚麼都沒有。

「硬係覺得好似有人喺車底望住我哋咁嘅……算啦,應該係我睇錯,你繼續講呀。」T-shirt男擺出一副感激的樣子投向短髮女孩的方向,但在我眼中卻是充滿諷刺,「我哋可以去埋馬路嘅兩邊仲有另一個通往商場嘅入口。呀!我姓陳,係一個休班警察,可以叫我陳sir或者警長。既然大家都暫時留喺度咁自我介紹一下,多個照應都無妨呀!」警察二字衝擊我着我的腦袋、我的記憶,喚醒那段被我試圖關在心底裡的心酸過去。

「我叫yina,佢係我同學兼姊妹叫Zoey,我哋都讀緊中四。」馬尾女孩指指身邊短髮女孩,「咁你叫咩名呀?」

Yina拍一拍陷入沉思的我,一下子把所有魂魄都招回來。我先是惘然一下,才漸漸回過神來。「我叫阿天。」短短的介紹,我並不想在一個警察面前說出全名,反正只要能離開這個地方就不會再相見。很快地,所有人都自我介紹完了:那個戴眼鏡的男生叫修彥,是一個大學生;大叔叫阿樂(人稱樂叔),資深巴士司機一名。

「你哋部電話有無信號呀?」這時Zoey問了一個重要但我未曾想過的問題。大概是因為我沒有購買無限數據服務,所以平時外出都習慣關閉數據,更不會每分每秒都當低頭族。現在看一看,竟然連一格訊號都收不到,其他人的情況都一樣。





「其實收唔到都正常呀……」修彥小聲地自言自語,但我們所有人的目光都被他這句話吸引過去。「我意思係通常啲小說電影之類都係個主角進入咗異空間,然後就打唔到電話上唔到網之類㗎嘛…」Yina把手放在嘴邊,想了想就小聲地說了句不認同但沒有人注意到。

「即係你話我哋去咗另一個世界?細路,呢啲野唔講得笑!」樂叔激動地說。「畢竟,『隱形嘅牆』係一種超越現今技術同科學嘅物品,以呢個世界目前已知嘅科技根本係無可能製造出完全隱形嘅野。」修彥搔搔一頭凌亂的啡髮

「簡直不知所謂」樂叔白了一眼,「我從來未聽過一啲咁荒謬嘅事!」為了終止爭吵,陳sir立即叫我們動身去檢查另外三面的隱形牆和樓梯,我和修彥被分到一組,結伴去樓梯那邊。樓梯是剛才下車到現在也未曾看過或到過的地方,所以要靠修彥帶路了。