【已完故】[穿越者貳章]某月某日坐上某架無冷氣嘅巴士: 第七章f

「點解你會知我同Yina講嘅嘢？」
「嗰陣我就喺附近，老實講我嗰陣揾到一把手術刀，真係好想衝過嚟，一刀插落去幫我爺爺報仇。」
這個女孩也太坦白了吧…
「但後來我聽到你講嘅嘢……我唔知呀。」Zoey的聲音變小了。「我爸爸媽媽同我講話爺爺係俾你殺死，所以要告到你坐監。但其實我知道佢哋都因為大部分遺產都分晒俾姑媽而好唔憤氣，所以先會咁做。」
「但佢哋點都估唔到會有個實習護士聽到你爺爺喺病重之前同我嘅對話，令到我多咗個人證可以放返出嚟。」那個護士真的幫了我很多，全靠她我才可以免除無期徒刑，不幸的是當律師找到她時，我已經吃了三年牢飯。
「由細到大爸爸媽媽就教我做人要以自己利益為先，對其他人好自己未必會得到回報。我好唔鍾意呢種生活，有時我會諗，喺佢哋眼中係咪利益比起親情更加重要。」
「你今年幾多歲？」我問她
「16歲」
「兩年後，你就成年。唔使再受人控制，要闖出屬於自己的一片天。」
咔嚓～




手術室的門被拉開了，Zoey從裡面走了出來。過了這麼長的時間，我雙眼總算適應了這般黑暗，能勉強看到眼前的路。
「我知道你唔係有心害死修彥佢哋，所以唔需要自責。」Zoey伸出了手，捉住我的手臂。
「我哋一齊揾返Yina然後離開呢個鬼地方！」

我們結伴走下了樓梯到了地下，由於我們兩個手機都沒電了，只好摸黑前進。憑着模糊的輪廓，我們成功地在沒有的撞翻任何東西的情況下走到走廊。
「好似有D嘢喺天花板咁嘅？」我瞇起雙眼盯着一個從天花板垂吊下來的黑影。
我小心翼翼地朝着黑影前進，下意識握緊了Zoey的手。我向黑影慢慢伸出了手，然後所有燈光都被開啟了。