《籠中島》: 第五章
「你呀媽我就算平時幾港女都好，我都係有自己尊嚴，我唔會俾中國人踐踏香港人嘅尊嚴，講就講到大家都係同胞，其實暗底裡咪又係對我哋殘暴不仁。」
老媽她一講就停不下來，剛好我老爸也下班回來，仍然一副老婆奴的樣子，一回來便先叫娘子。
「老公你返嚟啱啦，你個仔生性啦，佢問返我哋幾十年發生咩事啊。」老媽子雀躍地跟老爸說道。
「哇，嗰陣時我哋先得嗰十令歲，但估唔到會係自己有生之年見證住咁荒謬嘅事。」這個老爸好像不是我認識的老爸，變了一個人似的。
老爸從小給我的印象就是親民、隨和跟老婆奴，對我很溫柔。
但如今提起以前的事，老爸突然變得有威嚴，講話很有力量，跟以前的柔和派很不一樣。
「其實講出嚟，好像拍戲咁虛幻，真係好似一場夢咁。我同你呀媽會認識都係好似啲偶像劇咁，巧合到仆街。」
「但係嗰陣時真係好多事蹟，香港本來俾人哋嘅印象就係缺乏人情味，好冷漠嘅一個國家，但短短兩個月見證咗唔少香港人嘅人情味。」
「其實大家都無變到，係現實喱個生存遊戲搞到大家咁，但當無曬喱啲制爪之後，就會見到大家嘅真心。」
「當中發生好多離奇嘅相遇同好人好事，大多數都係私下底自己知，好少會話想浮上面，除非俾人發掘啦。」
「當時你老媽都有出嚟示威，但嗰時嘅佢傻下傻下咁，咩裝備都無，淨係著住黑色衫咁，呆咗咁企係度。」然後老媽子聽到後，打趣地打了老爸一下，那一下十分柔情似水，我眼前這兩位真的是我媽跟我爸嗎……？
「咁佢又唔算企得前喎，佢係企係中間，細細粒咁又唔高，好快就俾人群淹沒。警察好快就殺到埋嚟，前面頂都頂唔住，我本來都捉住咗一個警察，但你老母呢又唔曉走喎，呆係度俾個警察捉。」
「個警察一手捉住佢，下一個動作已經係想揮落去㗎啦，嗰一下力度估都估到唔細㗎。」我老爸講得很是激動，眉飛色舞的樣子，連動作都做出來了，一把抓住老媽的手，他們兩個人彷佛年輕了十幾年的樣子，一點都不老。
「跟住你老豆就上演咗一場英雄救美。」老媽斷了老爸的興致，拍了拍老爸的肩膀，績道：「我幫你講埋啦，唔洗講到咁浮誇嘅。」
老爸像極了一個洩氣的汽球，什麼雄風都不見了。
「你老豆嗰陣好Man㗎，幫我擋咗嗰一棍，佢手臂都瘀咗一塊，係佢嘅保護下，我哋先至咁幸福咋，你要記住啊。」
「就算依家香港變成咁，都唔代表我哋唔可以幸福，只要……一家人齊齊整整就夠。」
「當初12月31日嘅分隔事件，我同你呀媽講，我哋一齊留低啦好無？雖然我哋一齊咗唔夠半年，但我已經落定決心，如果佢同我一樣選擇留低，就會想同佢結婚，一生一世不離不棄。」
「係嗰數數十分鐘之間，要做一個決定並唔容易，但你呀媽諗都無諗，就應承咗。」
「而我哋屋企人不畢都係深藍，亦無理到我哋兩個，就過咗去對面。」
「所以我哋係無結到婚，無乜親朋戚友，就搞嚟都無意思，只要我哋兩個生活得好就足夠。」
「點知……一齊咗先知原來你呀媽咁難搞，咁港女㗎。」老爸細細聲在我旁邊說道。
不禁被他們兩個逗笑，原來我爸媽真的很好，我真的很幸福。
「黃俊昇！作死啊你？當我聾㗎？」老媽貫徹她的作風，而老爸實笑哈哈的胡鬧過去。
「仔，你開始大個啦，我唔知你係邊度知道真相，但你既然知道咗，我哋就當你大個咗㗎啦，將來你要決定點樣行，我知道你心入面已經有答案。」老媽出其地溫柔，摸摸我的頭，語重心長的對我說這一番話。
不過從此之後，老媽便再也沒有摸過我的頭。
「老媽我一定支持你，只要你對得住自己良心，阿媽只祈求你做一個有良心嘅人。」
那一晚，是我人生中第一次睡不著覺的晚上。
我走在海岸旁邊，沿著舊太古城一路走過去，靜靜地觀看著對岸的夜色。
燈火通明。
而我們呢？很多地方都日舊失修，燈火？更是暗淡無光。
我靜靜地看著對岸九龍塘的景色，燈火通明的夜光，是一代繁華的象徵。
那裡，原本是屬於我們的地方。
只不過隔了一個海岸，一個觸手可及的地方，卻像是隔了一個汪洋大海般。就有了這樣的差別，我不禁問自己，我們到底做錯了什麼？
看著看著，就這樣過了一晚，我看見太陽劃破天際，曙光真的很美，因為它帶有希望，代表著開始。
我想了很多，也下了一個決定，也就是把四海幫的目的貫徹到底。我明白這不是什麼一時之間的決定，這可能會是我一生的目標。
要做，就需要用一生、用命來做。
徹夜未眠的我，去樓下隨便吃個早餐就回去換衣服上學。
我沈重的心情還沒轉換過來，出門就看到阿寶站在門口等我了。
阿寶這幾年間依舊準時，我都已經習慣阿寶在我身邊，一起上下課。
「華，你…個樣咁攰嘅？」阿寶關心地問道，手也牽緊緊的。
我跟阿寶之間的關係，其實並沒有明講，也沒有誰跟誰告白，嗯……就很自然的，自從那件事情之後就一直這樣。
就連小小明和肥波都習慣了，而阿寶一直都是那種話不多，靦腆的女生。所以我們三個男生在的時候，阿寶絕大多數在黏在我身旁，靜靜地聽著我們說話。
隨著我們漸漸長大，青春期給我們的變化也很大，除了肥波之外。
阿寶比我們早發育，身材變得百媚千嬌，更亭亭玉立了。以前我們小時候不懂得欣賞女性，但青春期的男孩會變一個面孔，真的是天性吧。
肥波一直說阿寶變得越來越正，說她是潛力股，還說我很有眼光，一早就看上她。我真的沒他那麼好氣，不過會暗地裡高興一下。
畢竟男生嘛，你讚他身材高大、英俊，也不及你讚他追到一個正妹來得高興。
而我也比之前高出許多，比小小明高了半截，可能是老爸的遺傳吧，老爸他也滿高大的。
儘管我比小小明高，但我還是很瘦，而小小明的體態各方面都比我們好，而且他骨子裡的霸氣也不是惹小的。
不過他越長大，話好像就越少，總是一臉心事重重的樣子，讓人難以親近。
「無啊，我琴日聽完青龍白虎講嘅嘢之後，返到屋企老爸老媽又有提佢哋以前嘅事。然後夜晚我就瞓唔著，去咗海旁行下諗下嘢，跟住唔經唔覺就天光啦。」我如實交代事情的來龍去脈。
「唔怪得你啲黑眼圈都出曬嚟啦，成隻大熊貓咁。」阿寶嫣然一笑，不經意間撥動我的心弦，怎麼我以前不為意？
「哎……小…事啦，通一晚頂算得啲咩姐！最多一陣上堂瞓囉。」
「就嚟考畢業試啦，好心你就唔好成日瞓教啦。」
「得啦，難唔到我嘅，不過呢……畢業之後你諗住點啊？」我旁敲側擊地問阿寶，然後再決定要不要講自己的決定。
「我都唔知啊……其實我琴日聽完嘅心情都好沈重，好似突然間多啲嘢揹上身咁，我都唔知啊……咁你呢？」
聽完後，我亦能夠感受到阿寶的迷惘，因為我也一樣，所以我決定昨天的事跟她說。
「都係嘅，但我嘅心情就無你咁強烈，總好似……」阿寶頓一頓，想了想，好像在想怎麼形容才更為貼切吧？
支支吾吾一會後，便續道：「心情總好似無你咁強烈，畢竟我哋無經歷過，無咁貼身嘅感受，甚至會諗，自己真係有責任？」
不要看阿寶平時好像很少話的樣子，其實腦筋靈活得很，她平常跟我上學放學都有很多話對我說，她雖話不多，但很善解人意。
「但你唔好會好想知對面係點樣嘅咩？唔會想知對面係咩世界？」我老實說出自己內心的想法，我像是找尋阿寶的肯定般，我其實是想阿寶支持我的，想我重要的人支持我，包括小小明跟肥波。
「本來對面岸就係我哋嘅地方，點解我哋要俾人趕過嚟？對面嘅世界係點嘅呢？世界究竟係點嘅呢？我都想體驗老爸老媽口中所講嘅自由究竟係點，我哋留係度並唔係叫自由。」
「我唔想一世就咁留係度，我想出去闖下。」
我跟阿寶牽著手行上長命斜，經過這條長命斜後，便是柴灣。
「我只係想同你一齊過生活，我……我唔係咁想出去闖，感覺對面會令我失去一啲重要嘅嘢，琴日聽到嘅，就係對面令我哋失去原本應有嘅嘢，我……」
「我唔想失去。」阿寶撓著我的手臂，低著頭，低聲地說道，卻重重地打進我的心扉。
一時之間，我不知道該說什麼，就這樣靜靜地走回學校。