(嚴重FF愛情輕鬆同居故）《我與貓系女室友的二三事》: Ch.40

「Hello Gary。」

 阿Nick竟然嚟到我屋企門口，佢無視我推門入咗嚟。我完全呆咗，唔明點解佢會出現，而且更厚住面皮咁走入嚟坐係梳化到。

 「阿Man呢？」原來佢係嚟搵阿Man。 

見佢搵阿Man搵到上我屋企，我就躁底啦。 

「佢有約你咩！我哋好似無邀請你上嚟我屋企喎，唔該你離開。」我指住門口好客氣咁同佢講。 阿Nick笑咗笑然後話：「我知道阿Man佢出咗去租迷你倉，佢有同我講過。」 



既然佢都知道，唔通佢上嚟係想示威，想向我宣戰要搶阿Man！ 

「阿Man佢係出咗去呀！但佢已經決定唔搬出去，繼續留係到。」 

阿Nick聽到我咁講就企咗起身，慢慢走到我面前：「我嚟唔係搵阿Man，我係搵你㗎！」 搵我？ 佢無啦啦捉實我，用住深情嘅眼神同我講：「點解你唔再嚟拳館？你知唔知我有幾咁掛住你！」 

掛住我⋯⋯ 屌！仆街！原來Nick係Gay㗎！佢唔撚係鍾意我呀嘛！ 

「屌！你放手啦！我唔撚掛住你呀！」知道Nick鍾意我，我頓時全身起晒雞皮，佢咁撚大隻，我完全唔夠力去掙脫佢。



 「你知唔知道個晚我係樓下同你相遇，仲有對望咗幾次。就係個一剎那，就係嗰個moment，我覺得同你好來電，我對你一見鍾情呀！」 

乜撚嘢來電呀！三更鬼來電我就知，宜家呢個moment仲恐怖過鬼來電呀！ 阿Nick好似越嚟越激動，佢開始拉住我往梳化個方向推。 

「屌！你冷靜啲啦！」

 「我冷靜唔到呀！我為咗你先接近阿Man，但係你竟然唔再嚟，唔再見我！你知唔知我好傷心呀！」佢係咁搖我，我feel到自己好似就嚟要腦震盪咁。 

「我唔撚知呀！我唔係撚係gay呀！」我想推開佢，但係因為身形相差好遠嘅關係，我完全無力反抗。 



「我相信我嘅直覺，我相信你日後都會對我有feel㗎！」阿Nick將我推落梳化到，係呢一刻我真係驚到瀨屎，我真係好驚佢會強暴我。 

我完全無諗過咁痴線嘅事會發生係我嘅身上，我好驚我嘅貞操會不保。好驚會菊花殘滿地傷咁，我嘅男性尊嚴會受到好大嘅挫折，會永遠勃唔起身。

 「無呀！我對你無feel呀！我有阿Man㗎啦！」我使出吃奶嘅力去推開阿Nick，Nick佢重心不穩向左一跌，撞跌咗紙箱，咁啱呢個時候傳出鎖匙開門嘅聲，阿Man一開門就見到Nick壓住咗我，而地下就有個性愛膠Mary公仔由紙箱跌咗出嚟。