[校園][純愛]《幸運星下的預言》: 第二十二章

佢越行得近，

我就知我個腦就要轉得越快

究竟點樣解釋好呢

佢一見到就肯定以為我坐喺度咁耐，

原來一個字都冇打過啦



我不嬲都認為自己從來都唔係一個責任心好強嘅人

不過好似今次咁樣，

人地俾咗野我做但係我做唔到，

就會莫名其妙咁樣嬲自己

講多個例子即係好似遲到咁樣



就算人地冇話我，

唔知點解自己都會自責

當時我就係呢個心態

明明佢真係行緊埋嚟乜都冇講，

唉算數啦認真啲講一句sorry



鬼叫真係自己問題咩

就算佢屌都冇辦法

筱瑜:「整成點呀」

我:「sorry呀

頭先部電腦熄咗乜都冇晒」

跟住佢望一望電腦發覺真係一片空白

我:「sorry呀」

筱瑜:「好日都唔叫你幫手點解會咁架」



我:「sorry呀

真係自己抵死唔記得save」

正當氣氛好尷尬嘅時候，

筱瑜無啦啦笑

其實佢笑得係好好睇

不厭其煩再講一次，

筱瑜:「重玩你唔到」



我:「下」

筱瑜:「原來咁咋話

使咩咁嚴重講到sorry呀」

我:「下

你竟然冇話我喺度作野」

筱瑜:「我似啲咁嘅人咩」

我:「梗係唔似梗係唔似

我講笑啫」



筱瑜:「見你咁凝重以為唔知咩事

原來係咁啫」

我:「咁點算依家要重新打過」

筱瑜:「好似頭先咁打咪得囉」

我:「我依家個腦一片空白

唔記得頭先打乜」

跟住佢拎到張凳過嚟



筱瑜:「我坐喺你隔離

一路打一路講，

咁咪唔會唔知囉

係咪先」

我:「你啱你啱

不過依家佢地六點半唔夠一個鐘，

打唔切喎」

筱瑜:「打住先啦到時再諗」

我:「嗯

你講啦」

筱瑜:「首先……」


鑑於當時大家距離都好近，

因為有時佢會伸個頭埋嚟

講真其實有啲尷尬

我講我自己啫唔知佢係咪

同埋佢個頭嗰陣洗頭水味好香

基本上佢全部人都好香

我唔知其他人點睇啦，

俾我嘅感覺就係一個好整潔女仔

校裙又熨得直

唔係吹奏純粹係有感而發

得閒要問佢用邊隻洗頭水洗頭

跟住佢講講下嗰陣無啦啦望返住我，

可能我掛住望佢諗野(唔係衰野)兼且享受緊佢帶嚟嘅洗頭水香味

停晒手唔記得打

筱瑜:「呢個位你可以咁，

停咗嘅」

嗰一秒嘅眼眸，

大家眼中應該只係得大家，

對望咗幾秒之後覺得尷尬就分開咗

筱瑜:「你

望邊度呀」

我:「邊度靚咪望邊度」

筱瑜:「變態喺度望住人」

我:「唔係呀話

乜都冇做過就咁望都變態」

筱瑜:「快啲打啦就嚟要走喇」

我:「我係覺得奇怪啫

竟然冇鬧我」

筱瑜:「點解要鬧你」

我:「應承咗你做但做唔到

你叫我做就係想幫輕你

點知依家你又要落嚟冇得返屋企先

講真我預咗俾你屌」

筱瑜:「我又咁睇

我鬧你都改變唔到啲乜，

既然係咁點解重要鬧

大家都係為件事好

同埋其實唔係好麻煩，

有你呢位人肉打字機幫手

我淨係負責講啫

啱唔啱先」

我:「啱

梗係啱」

筱瑜:「其實你打字快過我好多

不如咁啦下次好似今次咁

我知你肯嘅就咁話啦」

我:「做咩呀」

筱瑜:「以後都係我講你打

搞掂哈哈」

我:「仆街啦」

筱瑜:「大家都係同一個post

總之你每次打嘅時候我都會喺你隔離

我講你就打，

唔係講笑真係幫輕好多」

我:「唔會次次都咁長下話」

筱瑜:「放心平時嗰啲唔會打咁多字」

我:「咁你就自己打啦」

筱瑜:「唔得喎

今日俾我發現咗你有打字嘅才能

梗係唔可以埋沒你嘅天份啦」

我:「屌我要快啲返屋企打機呀」

筱瑜:「乖啦幾個月都係一次啫

就咁話啦

放心喎一定有酬勞」

我:「咪又係朱古力奶

重有邊樣」

筱瑜:「香口膠」

我:「屌係喎

話咗你會搵我笨柒」

筱瑜:「我都會喺你隔離架

又點會要你孤軍作戰咁慘呀」

我:「係至好講」