[校園][純愛]《幸運星下的預言》: 第二十五章

有一樣野我諗好多人都會覺得有同感

就係拎完女神嘅電話之後，

究竟要點樣打開話題呢

知佢興趣就話可以對症下藥啫

咁唔知又點算呢



係咪要講埋嗰啲好老套嘅天氣幾好

今日好凍小心凍親呢啲咁垃圾嘅野先得呢

好多個男仔都試過喺度遇到滑鐵盧

當然全世界都知，

打開到嘅話，



距離成功就指日可待啦

所以話最關鍵就係可唔可以打開啫

至於講到我

當初喺呢個層面上我真係冇乜煩惱

梗係唔係我勁啦戇鳩



其實我都好撚毒

只係嗰陣嘅我對筱瑜完全冇超越朋友嘅情感

呢方便之前我都講過

我亦都相信自己對映彤已經完全放低

因為見到佢唔會再有心如鹿撞嘅感覺，

當佢係一個識咗好耐嘅朋友咁樣

就冇其他喇

除咗佢兩個之外我都冇其他比較熟識嘅異性



咁你就知我幾撚失敗啦

講返嗰陣先

返到屋企諗住打機，

點知呀澤條友病咗

話要瞓覺，

真係頂佢個肺

成日打飛機搞到個人咁撚虧



咁樣就算數今晚唔打

我都可以上下網或者自己玩啫

正當我上上下網嘅時候，

就見到佢sms我

筱瑜:「係咪打緊機」

我:「係呀你又知嘅」

筱瑜:「我就真係唔信

係打緊機你咁快覆」



我:「世事都被你看透了」

筱瑜:「係咩還可以啦

想同你講打得唔錯

竟然改都唔使改

多謝大佬」

我:「你都傻嘅咩叫竟然」

筱瑜:「下



你自己諗下啦

講真每次group project我都係最尾check嗰個

好彩佢地俾我改，

估唔到今次唔使」

我:「你唔係忍呀嘛

快啲開佢波啦

肯定係映彤成日錯啦」

筱瑜:「哈哈你兩個真係好friend

成日都提住大家」

我:「識得耐丫嘛

你班friend我最熟就係佢」

筱瑜:「如果佢唔係有男朋友，

我真係覺得你兩個係有野」

同之前一樣，

我都係唔會喺筱瑜面前認之前鍾意過映彤

我:「諗太多喇靚女」

筱瑜:「映彤交啲貨好好

基本上唔使點樣執

有時調返轉我要俾佢執

出到嚟效果冇問題就可以啦」

我:「以為你係藝術家脾氣

唔鍾意俾人改」

筱瑜:「大家都係為件事好啫」



同佢傾得耐咗，

發覺筱瑜係一個實事求是嘅人

同我印象中嘅女仔有啲唔同

基本上冇乜聽過佢感情用事

如果同佢同班簡直係發達

佢係嗰種目標好清晰嘅人

呢類人有時會好麻煩

因為太過執著目標

當一樣野放得太大，

自然會忽視其他野

我都有同過呢啲人相處

合作成果係好不過過程都幾難頂

筱瑜佢係好另類

目標雖然清晰，

不過佢只係對自己要求好高

從來冇要求過其他人要跟佢一樣

如果出到嚟效果唔好佢會私底下改

絕對唔會要你臨時做多咗野

同埋好怕麻煩到人

你見電腦都唔敢用佢家姐嗰部就知

我:「點解你唔叫佢地做多啲野

咁你咪唔使咁辛苦

講真我自己親眼睇親耳聽

都知你真係做好撚多野」

筱瑜:「咁冇理由因為我

令到佢地要做咁多架嘛

可能係得我一個想做好佢

佢地或者只係交到貨就算嗰種，

係咁嘅話我點樣迫佢都冇用

我亦都冇權利去迫全部人同我一樣

既然係咁咪自己做多啲」

我:「同你同班就正啦

project一定勁高分重要唔使做」

筱瑜:「呵呵你就唔同喎

一齊做啦哈哈

好似依家學生會咁」

我:「放過我啦我知你晏晝講笑」

筱瑜:「好認真呀

你打字咁快就梗係善用你嘅才能

係喎點解你咁快嘅」

我:「重使講

梗係我早幾年做得每日一篇多

所以咪咁快」

筱瑜:「每日一篇邊使打咁多字

你真係噏得就噏

講係咪打機鬧人」

我:「屌你啦你有咩係唔知架」

筱瑜:「你咁鍾意鬧人又鍾意打機

九成都喺度練返嚟」

我:「第一我唔鍾意鬧人

你見我幾和善就知

第二你表弟都有份

你知佢唔打機啦

不過以前我同佢戇鳩鳩間唔中會去圖書館練打字」

筱瑜:「我聽得最多就係你講粗口

郁啲就鬧人」

我:「至少冇鬧過你啦

小弟咁有風度從來都唔鬧女仔」

筱瑜:「多謝你囉

咁有風度嘅傑哥」


特別係你。