[校園][純愛]《幸運星下的預言》: 第二十九章

放學之後就去佢班房等啦

跟住佢出嚟就一齊去買材料

買完就返學校去返學生會室慢慢整

我:「講明先我就唔識嘅

你講乜我做乜」



筱瑜:「好簡單咋

你將呢啲黐上去就得

其他野等我同埋映彤整就冇問題」

冇幾耐映彤兩個都一齊嚟咗幫手

夾手夾腳整好，



大約五點就搞掂

正當我諗住撇嘅時候

筱瑜無啦啦講咗啲野

我:「搞掂走得

拜拜



筱瑜:「唔好走住」

我:「做咩呀」

筱瑜:「可唔可以陪我去太子」

我:「你去嗰度做咩呀」

筱瑜:「冇呀我要去交收cd

但係一個人乜都唔識

所以

咪諗住叫埋你囉」



我:「你會驚嘅咩」

筱瑜:「咩叫我都會驚呀

乜都唔識想嗌你一齊去係咪唔得丫

咁

我都係女仔嚟架嘛」

我:「同你形象真係唔夾

天不怕地不怕竟然怕交收」



筱瑜:「算

你鍾意啦」

我:「唉冇乜邊個好似我咁好人

去太子咋話」

筱瑜:「嗯

地鐵站一出就係」

我:「約咗幾點呀」

筱瑜:「六點囉



可以喺度抖多陣先去」

我:「好

睇下我丫

有野做都陪你去呀」

筱瑜:「傑仔你真係好好人呀

好感動呀依家」

我:「假到



你要交收咩呀」

筱瑜:「頭先咪話係cd囉」

我:「衛蘭」

筱瑜:「哈哈你又知嘅」

我:「你係fans丫嘛

我估架咋」

筱瑜:「醒目仔

唔通飲得朱古力奶多」

我:「唔關事不嬲都咁醒

依家去咯」

筱瑜:「等陣先」

我:「又做咩呀」

筱瑜:「食唔食薄荷糖」

我:「好喎

點解你咁撚多糖架」

筱瑜:「屋企有咪帶返嚟

行啦」


跟住我地就去搭地鐵

一路行一路講嘅時候，

佢問我今晚食唔食埋夜晚嗰餐

筱瑜:「哈哈其實都係想搵一個人一齊食飯啫」

我:「估到你有蠱惑啦

點會驚唔識交收」

筱瑜:「唔係呀真係唔識呀

冇蠱惑囉好冇」

我:「好撚簡單

你問佢係咪嗰條友咪得囉」

筱瑜:「問錯咪大鑊」

我:「你地會講著咩衫架嘛

咁都撞到一樣就死撚咗佢」

筱瑜:「哈哈又係喎」

好快就去到太子，

咁我就企埋一邊望住佢啦

大約幾分鐘之後嗰條友就嚟咗

原來係一個男人嚟

廿零三十歲左右

好似唔靚仔(我都唔知點解會記得)

過程好快就完結

筱瑜:「搞掂

走咯去食飯」

我:「返去嗰邊食」

筱瑜:「嗯

你話事啦」

我:「我冇所謂喎你話事啦」

筱瑜:「係喎唔記得咗你唔諗食咩添」

跟住即刻摸佢個頭

我:「即係俾說話我聽喇喎」

筱瑜:「放手呀唔好摸我個頭」

我:「其實我想同你講好耐

你個頭有陣好香嘅洗頭水味」

筱瑜:「你話你啲喜好幾奇怪

一時鍾意男人，

一時鍾意聞人地個頭」

我:「你都痴線

冇

我冇鍾意男人

不過頭先嗰條友唔係好靚仔咋喎」

筱瑜:「哈哈我冇你咁留意佢喎

你重話自己唔係」

我:「我都係望下啫又唔一定係gay

你唔望男仔嘅咩」

筱瑜:「最靚仔嗰個都喺我隔離

使乜望其他」

我:「屌你識講野

咁就要更加摸你個頭以示鼓勵」

筱瑜:「放手呀

周圍咁多人」

我:「關周圍啲人咩事」

筱瑜:「er

唔知喎」

我:「咁咪係囉」

筱瑜:「我隻洗頭水好多超級市場有得買

唔難搵架」

我:「唔係講笑真係好撚香」

筱瑜:「變態佬」

我:「咁你下次唔好搵我呀

我唔知會做啲乜」

筱瑜:「地鐵你會敢做咩」

我:「地鐵先最多

所以話你唔識野」

筱瑜:「你熟啲喇咁就

有車喇入去啦」