[校園][純愛]《幸運星下的預言》: 第三十二章

食完之後

筱瑜:「係喎你要唔要入面啲歌」

我:「好喎

不過你點樣俾我」

筱瑜:「send俾你咪得囉



係咪」

我:「大佬你重要單眼點頂呀」

我講就講得輕鬆啫

其實嗰下佢個樣真係好甜

大家應該有個畫面，



嗰次佢特登擰返轉面望住我講

講完之後單眼

當然啦都係嗰句，

人靚做咩都靚

筱瑜:「咁快賣口乖



[email protected]呀

今晚add我啦」

我:「今次冇咁暗號喇咩」

筱瑜:「冇喇哈哈

不過你估唔估到上次嗰個呀」

我:「估唔估到唔重要啦

我都有你電話咯」

筱瑜:「咁又係喎



返屋企先拜拜」

我:「好啦拜拜」

筱瑜嗰陣冇叫我送佢返去

加上只係八點幾九點唔係好夜

所以我就冇送佢喇

同埋佢俾我嘅感覺一向都係好獨立

所以我就冇特別要求送佢



返到屋企add佢嗰陣，

有一秒諗過佢個email會唔會係假

當然啦，

去到佢覆返我跟住send啲歌俾我嘅時候，

就知道佢今次冇玩野

筱瑜:「係咁多喇」

我:「唔該晒」

筱瑜:「其實你係咪真係會聽架」



我:「你都傻嘅點解唔會」

筱瑜:「你知啦好多人都會扮想聽

特別係你」

我:「你都痴線咩叫特別係我」

筱瑜:「咁好啦慢慢聽啦」

我:「喂你未講點解特別係我」

筱瑜:「哈哈唔知喎」



我:「唔使親眼望到你

我都知你依家個樣係點」

筱瑜:「唔好咁掛住我啦啱啱先見完咋」

我:「冇計啦你咁有魅力

係好掛住架喇」

依家諗返都唔知點解會講得出口

果然年少輕狂

筱瑜:「多謝你咁掛住囉」

我:「回禮呀」

筱瑜:「回咩」

我:「算啦都係冇野

真係講唔出口」

筱瑜:「你都會尷尬咩」

我:「小姐我都係人嚟啫」

筱瑜:「係咪面紅耳赤呀」

我:「係……呀……

你見我……打字都……停……停下」

筱瑜:「低b唔玩喇

真係有啲攰

唔係要send歌俾你都唔會開電腦」

我:「多謝你囉筱瑜姐」

筱瑜:「我多謝你問我先真」

我:「屌唔識你真係俾你呃到

喺度扮晒野」

筱瑜:「冇扮

不嬲都咁客氣」

我:「返去即刻瞓」

筱瑜:「梗係唔係啦出咗成日街咁污糟

梗係沖完涼先上去張床」

我:「係囉

都唔知有啲人點樣可以唔沖涼就上床」

筱瑜:「個個唔同嘅

我唔得囉

你地男仔唔係好鍾意唔沖涼就上床咩」

我:「我唔知你邊度聽返嚟

我唔係

你地你地」

筱瑜:「使唔使咁敏感呀打多個字啫」

我:「最憎人咁鬼污糟

真係接受唔到唔沖涼就上床」

筱瑜:「哈哈我都係咁話

唔講喇真係要瞓覺呀

講多咗咁多，

好攰呀」

我:「係喎瞓覺啦」

筱瑜:「早抖拜拜」

我:「拜拜」

相信每個人都試過，

係咁話收線唔傾，

到頭來越講越多

從來唔知對方係點樣亦唔會去理會，

淨係知自己，

永遠都係意猶未盡。


冇乜特別咁就講返之後返學啲野啦

之前都有提及秋季旅行收咗皮，

今年唔搞呀

咁啱兩個禮拜之後嘅陸運會天氣一切正常

自自然然如期舉行啦

不過今年陸運會有啲忙

點解會咁

咪又係個濕鳩學生會囉

話說我地要負責拎運動會嘅野入去

即係嗰啲哨(吹雞嗰啲)呀，龜背，鐵餅，大聲公

重有好撚多咁就唔一次過講晒

我唔知你地使唔使咁啦，

我淨係知我地嗰陣要拎好多野入去

於是喺陸運會前席

我地幾個都喺度討論點樣拎啲野，

主席:「你地自己分好就得啦」

屌佢講一句就走人

真係仆佢個街

映彤:「估唔到要拎咁多野」

Felix:「係喎原本冇諗住咁多」

映彤:「咁呀

我可以再叫其他人幫下手嘅」

Felix:「要啦」

筱瑜:「一係我幫手拎啲丫」

映彤:「多謝你呀筱瑜」

筱瑜:「唔使咁客氣喎

不過我一個未必拎到好多」

映彤:「放心啦我實叫人幫你

隔離嗰個唔好扮聽唔到呀」

你都傻嘅你叫我唔扮我就唔扮

一於繼續做功課先

直接佢行埋嚟拍我

我先至應佢，

映彤:「又喺度詐傻扮懵

你都幫手呀」

我:「你地都夠人啦」

映彤:「梗係唔夠啦

你睇下筱瑜要拎幾多野」

我:「唔係好多啫佢夠力嘅」

筱瑜:「映彤呀

我驚一個人拎唔晒呀」

映彤:「你放心我梗係叫佢幫你

死人頭張偉傑幫手啦」

我:「我地呢級大把壯男

搵過第二個啦」

映彤:「唔係嗰個同筱瑜熟丫嘛

係你喇走唔甩」

筱瑜:「唔該晒你呀映彤」

映彤:「yeah」

我:「屌你兩個唱雙簧」

筱瑜:「唔該晒你喎傑仔」