[校園][純愛]《幸運星下的預言》: 第三十六章

我記得嗰日頭一個鐘都係跑埋啲初賽

都唔好睇嘅

重要冇女先係問題

講真卬丫男仔去運動會十個九個都係睇女仔

我地學校真係唔掂



幾百個人搵個似樣都冇

所以都係冇乜癮

坐喺度同筱瑜吹水算

佢地又冇帶啤牌

如果我喺度玩nds實在係太猖狂



九成俾老師沒收

你知好多教畜都好狗

靜靜雞會拎嚟玩

唔係講笑我有個朋友有次上堂打機

個老師見到就沒收



話放學俾返佢，

咁佢放學拎返啦

返到屋企諗住打嘅時候就紅燈

nds如果夠電係會顯示黃燈

唔夠電就紅燈

佢就覺得奇怪，

明明今朝先叉完電

邊有可能咁快紅燈



睇到呢度大家都知邊個做架啦

聽完之後我就銘記於心

點樣鍾意打機都好，

上堂千祈唔好打

放咗學大把時間俾你

又或者小息lunch可以扮爆石去打機

何況今日重有咁多老師喺度巡邏



我又點會咁戇鳩當住面打機

所以都係唔好搞咁多野喇，

跟住好快就見到副主席上嚟

即係主席鍾意嗰個女仔呀

我就覺得唔係好靚

典型一個四眼妹

當然我都明白情人眼裏出西施，

人就幾好相處好舒服



同埋俾我感覺佢先似一個主席

依家個主席淨係負責say yes

屌早知當初我都做

副主席:「筱瑜同埋傑仔你兩個落嚟丫

下面要人呀唔該晒」

筱瑜:「嗯

出嚟啦傑仔」



我:「屌幾多歲呀」

筱瑜:「下

有分嘅咩」

我:「唔係呃你其實我冇睇過」

筱瑜:「咁有咩你係有興趣架

我都冇睇動漫不過細個一定睇過比卡超囉」

我:「懶惰就係興趣」

筱瑜:「依家唔得呀

一齊落去」

我:「係喇係喇」

咁我地落到去係做咩呢

原來要喺樓下坐喺度睇住衝線

佢話要多兩個人睇，

咁冇所謂啦反正都係坐

不過之後原來要做多樣，

就係要幫啲跑狗登記

邊個喺邊條線

好彩都唔難做，

同埋多數都係筱瑜整

筱瑜:「懶到你

坐到咁衰都有」

我:「話之佢丫都唔會有老師架啦」

筱瑜:「你件底衫長過Pe衫呀」

我:「係咩」

跟住我望一望又真係喎

咁就梗係拿拿臨攝返好，

我:「唔該晒

你嗰隻咩眼嚟架」

筱瑜:「一睇就睇到啦

係喎依家冇人跑不如去買野飲丫

順便上去拎糖食」

我:「好

朱古力奶唔該我喺度等你」

筱瑜:「朱古力奶係唔會自己行上嚟

一齊啦懶鬼」

我:「唉

真係俾我坐下都唔得」

筱瑜:「唔行就唔好飮」

我:「你啱你啱」


於是我地兩個就係小食部買野飲，

買完之後就去返佢個位拎糖食

佢條友真係好多糖同埋香口膠

好似每日都有呢啲零食咁滯，

我:「點解你每日都有咁多薄荷糖」

筱瑜:「叻仔呀

買咪有囉」

我:「唔使錢嘅咩」

筱瑜:「我係唔會偷野」

我:「下」

筱瑜:「下咩呀」

我:「算啦都係冇野

我都真係講唔出口」

筱瑜:「奇奇怪怪唔知你講乜

家姐成日有coupon

咁咪叫佢係咁買囉」

我:「咪係囉

有啲人個口真係好撚臭

特別係賤種」

賤種係我地級嘅一個同學

佢都係學生會，

戲份唔多大家唔使理

淨係知有一條友個口好臭(生理上)就夠

筱瑜:「好衰呀哈哈」

講完之後佢都喺度笑

我真係好少見佢笑得咁開懷

睇開呢個故都知，

我成日都講佢係翹起嘴角嗰種笑

不過今次唔係

我:「你笑到咁樣即係你都知啦」

筱瑜:「痴線

有邊個會唔知」

講完呢句我笑得重大聲

我:「屌佢都傻

邊有可能個口咁臭

唔係講笑真係臭過屎渠」

筱瑜:「其實呢我間唔中都會特登喺佢面前食香口膠同埋薄荷糖

諗住佢會問我拎一舊食，

點知佢都係無動於衷」

我:「佢個人唔係咁好

我真係當面屌佢

有冇搞錯個口咁撚臭

真係好想問佢係咪唔記得刷牙」

筱瑜:「哈哈邊有可能係唔記得呀」

我:「係咪腸胃唔好

定啲牙有問題」

筱瑜:「你幫我問佢啦」

我:「咪住先，

你都有問我食唔食香口膠

唔係我都有掛」

筱瑜:「你都傻嘅梗係唔係啦

你有嘅話我就唔同你一齊」

我:「一齊咩先」

筱瑜:「er

咪依家咁囉冇咩呀咪就係咁囉，

係喇就係咁喇」

我好少見佢講到語無倫次

冇乜見過佢面露窘態

今日終於見到，

證明佢都係典型中學嘅女仔，

講錯就尷尬

我:「咁我地依家一齊啦」

筱瑜:「一齊咩呀」

我:「一齊落去呀

一齊咩」

筱瑜:「我就話落去囉」

跟住我地兩個就一齊落返去，

正當以為一切安好嘅時候，

筱瑜:「哎呀」