[校園][純愛]《幸運星下的預言》: 第四十三章

去到夜晚我先醒起

係喎唔知筱瑜聽日行唔行到返學校呢

等我問下佢先

證明我都係口裏說不

身體卻很誠實嘅人



成日都搏懵睇下搵唔搵到接觸機會

我:「靚女」

筱瑜:「把口做咩咁乖」

我:「對住你我有幾時唔乖」

筱瑜:「um



唔知喎」

我:「即係冇啦

喂嗰支藥膏係咪就咁搽落個口就得」

筱瑜:「係呀

一日兩次就得



家姐話通常兩三日就會好」

我:「生痱滋真係離撚譜

明明肚餓都唔想食野

唔好話有時唔食都痛」

筱瑜:「邊個叫你講錯野喎

懲罰你呀」

我:「你都痴線邊度有講錯」

筱瑜:「證明食野唔好講咁多野囉」



我:「大佬呀，

幾條友一齊食飯邊有可能唔講野呀

幾個人食飯但係唔講野，

不如分開食啦」

筱瑜:「你唔好話喎我真係見過

你知啦平時我係同映彤佢地食飯，

咁有一次呢坐我隔離嗰台係隔離校嗰班男仔」



我:「係咪撩你呀

係撩你嘅我過嚟屌鳩佢」

筱瑜:「叻仔呀

早幾個月架喇

佢地走咗架喇」

我:「係你啱你啱」

筱瑜:「未講完等我講埋先

之後佢地叫野食啦，



叫完之後等野食嚟好正常丫

呢個時候嗰四個男仔一人攞一部nds出嚟

跟住就喺度打

最犀利佢地唔係一齊打緊同一隻game」

我:「唔係呀話咁你都睇到」

筱瑜:「一個玩手術一個玩狗仔

對面嗰兩個都冇一齊傾同一樣野



咁我估都唔係啦」

我:「你條八卦友人地玩咩game都知」

筱瑜:「咁我冇去理佢地

只係覺得好奇怪啫，

一班人食飯，

點解要做啲一個人都可以做到嘅野」

我:「咪就係囉我真係唔明

連機都算重要係唔同game」

筱瑜:「係咪男仔都係咁嘅呢」

我:「你又唔好咁講

起碼我一定唔係

識嘅friend都唔會係

你知我同你表弟熟，

佢不嬲都唔打機嘅」

筱瑜:「嘩咁你真係好與別不同喎」

我:「重使你講」



我:「講咁耐其實我想問埋你

聽日行唔行到返去啫」

筱瑜:「行到呀做咩呀

其實今日都好好多架喇」

我:「唔好勉強喎

越行越傷」

筱瑜:「做咩呀，

想同我返學呀」

我:「其實呢你可唔可以唔好每一次都玩踢爆啫」

筱瑜:「咁我玩踢爆又唔代表唔應承你嘅」

我:「你咁講即係得」

筱瑜:「係你咋

第二個就唔想呀」

我:「得你係咩

第二個搵我返學睬佢都戇鳩」

筱瑜:「係喎你朝早食唔食野架」

我:「可食可唔食」

筱瑜:「咁好啦見你咁有心，

聽日送多份三文治俾你」

我:「唔係呀話

你已經早起身重要做啲咁嘅野」

筱瑜:「唔係呀

本身都要整俾家姐同埋我自己，

見有人咁遠水路都行過嚟

咪好心整埋俾佢囉」

我:「好呀好呀

你整乜撚我都食」

筱瑜:「核突到死

要咩餡呀」

我:「冇所謂喎你話事

真係乜撚都食」

筱瑜:「其實呢原本唔想同你講

臨時俾驚喜你架，

不過你知你幾煩好多野都唔鍾意

所以都係講定先」

我:「其實你真係好撚了解我嘅啫」

筱瑜:「唔知呀

唔係好了解咋」

我:「咁我聽朝唔食野等住你」