[校園][純愛]《幸運星下的預言》: 第六十章
我:「重諗住問佢啲功課點做添
」映彤:「下
你唔係不嬲都抄嘅咩
」我:「痴線小弟一直係乖學生
又點會做啲咁嘅呢
」映彤:「邊度唔識呀
攞嚟啦
」我:「姐姐你咁靚女
可唔可以憐憫我行過嚟呀
」映彤:「你真係懶到出汁呀
行過嚟都唔制
」我:「幫幫手丫
」映彤:「等多陣先呀我都要做野
」佢唔行過嚟
又點樣俾佢睇嗰隻鬆弛熊呢
你諗下，
如果我行過去問佢嗰陣帶埋隻鬆弛熊
成件事幾無稽
好似特登俾佢睇咁樣
我就係想不經意俾佢見到丫嘛
所以劇本上面一定係佢行過嚟
冇幾耐佢終於做完手頭嘅野，
就行咗過嚟搵我
映彤:「邊度呀等我睇過
」我:「呢條呀唔知佢問乜
」跟住隻手就喺度側側膊
將隻鬆弛熊推去一個顯眼嘅位
動作又唔可以太大喎
太大的話我擔心佢會發現
跟住梗係好似電視咁樣
扮整跌野
等佢擰過嚟望
我:「頂又跌咗支筆
」映彤:「你話你丫咁鬼論盡
嘩點解你會有嘅
」成件事個走向簡直係完美
我諗出嚟嘅野全部發生晒
我:「你講乜撚呀
你話支筆
買咪有囉
」映彤:「唔係呀我係話你嗰隻鬆弛熊呀
」我:「老母去七仔買野攞返嚟
我見又幾撚過癮咪攞嚟囉
你望下幾得意
」映彤:「識你咁耐都未聽過你講鍾意鬆弛熊嘅
」我:「我好鍾意打飛機係咪又要同你講
」映彤:「核突
不如咁丫，
你送咗佢俾我好冇呀
」我:「俾個原因我
」映彤:「我好鍾意囉
」我:「唔信
假假地中一開始識你呀
你鍾意啲乜我唔知
」映彤:「今年我先鍾意囉
」我:「繼續吹丫
定係Felix鍾意呀
」映彤:「唔關Felix事
其實係關於筱瑜
」我:「點解又關佢事
」當然我要繼續扮傻先
因為佢呢一刻唔知我嗰日係聽到佢地講乜，
映彤:「我衰囉
我同佢有個project，
本身約咗今個禮拜六去影相交功課
點知我尋日先知Felix有學界要打
又撞到正
咁……我想睇Felix打波丫嘛
咁咪同筱瑜講禮拜六可唔可以放我一日
」我:「你係咪懶唔想做咋
」映彤:「唔係囉
冇學界嘅話真係會同筱瑜去架
」我:「咁樣關鬆弛熊咩事呢
」映彤:「其實佢話得唔緊要
不過好似好衰丫嘛
咪諗住送返隻鬆弛熊俾佢當係禮物咁囉……
佢好鍾意架重叫我幫手儲印花
」我:「咁你咪去儲囉
何必搞鳩我呢
」映彤:「你唔知咋
買夠廿蚊先有一個印花
佢要十個印花先有，
重要抽嗰陣唔係一定係鬆弛熊
即係話隨時唔止十個印花
」哈哈，
我又點會唔知呢
你唔知我知啫。
我:「你自己抽啦
你咁有米一定得啦
」映彤:「筱瑜好鍾意喎你唔係唔送呀嘛
」我:「我都好鍾意喎
」映彤:「唔該丫靚仔
咁耐我都冇求過你
一次啫，
唔該丫
」我:「唉你講到咁樣又咁嘅樣
俾人見到以為我恰你呀
攞去使呀
」映彤:「唔該呀傑仔你真係好人
」我:「屌
平時叫我食屎狗傑狗死人頭低能仔
依家叫我好人
」映彤:「係咩唔記得嚕
」我:「一包朱古力奶
口渴呀但係我又唔想落去喎
」映彤:「得得得冇問題依家落去
」點都要呃返佢一包朱古力奶
唔係點樣扮唔情願呀
不過睇嚟佢應該發現唔到我真正目的
應該安全
之後佢上嚟攞返包奶俾我嘅時候，
我就將隻鬆弛熊俾佢
有時真係唔明點解送樣野都咁迂迴
可能以前嘅我覺得，
送野俾人係一樣難以啟齒嘅事掛
當然都有可能係我自己要面
事關我覺得如果送野俾人，
而人地唔收嘅話，
作為送贈者真係好柒
可能你會話佢咁鍾意點會唔收
咁你當我悲觀啦
做抉擇嗰陣，
好與壞我一定係傾向睇壞嗰邊
即使到依家，
我都唔係做主動嗰個
講緊對住老豆老母都係咁喎
明明對人好又唔想承認，
有時都幾憎自己嗰啲無謂性格
算數啦講返嗰陣先
放學之後學生會嗰邊有會要開，
冇幾耐筱瑜佢就過咗嚟
見佢嘴角含春咁嘅樣
唔使問一定收到隻熊
我:「做咩笑到咁呀
」筱瑜:「下乜我笑到出面咩
」我:「平時苦口苦面呀
一有啲唔同就見到你啦
見到靚仔
唔係喎係咁嘅話平時你坐隔離應該笑到反肚先啱
」筱瑜:「傑仔你啲幻想力真係好好
俾心機唔好浪費你嘅才能
」我:「點解笑到咁啫
」筱瑜:「講出嚟你冇共鳴架算數啦
」我:「唔講你又知冇
」筱瑜:「登登
」果然佢拎嗰隻鬆弛熊出嚟
筱瑜:「係咪好得意呀
」我:「睇過
ok啦好得意喎
」筱瑜:「假到死
」我:「唔得意又問我點解
得意又問我點解唔係好得意
好得意又話我假
我都真係唔識答
」筱瑜:「係喇係喇我信你呀
」我:「呢隻就係你之前講嗰隻熊
」筱瑜:「係呀
你知唔知映彤幾勁呀
尋日同佢講今日就有喇
佢話佢媽咪好多印花
第一次就俾佢換到
」我:「鍾意咪好囉
」哈哈，
你唔知我有幾勁啫
幾日同你買咗四百蚊
以前都唔明點解會做啲成本效益咁低嘅事，
去到今日諗返起終於明，
睇見一個人開心原來係一樣好幸運嘅事
重點唔係開唔開心，
而係嗰個人係邊個，
淨係睇你呢一刻個樣，
區區幾百蚊又有咩分別，
你知唔知邊個送亦都唔再係重點啦。