[校園][純愛]《幸運星下的預言》: 第六十九章

之前我有講過，

我同司徒依家雖然係讀緊唔同學校

不過每個禮拜都會出嚟聯誼

今個禮拜都唔例外

一出嚟就梗係問重點



費事喺度左兜右兜嘥晒時間

我:「就係咁喇

我依家應該鍾意咗你細表姐」

司徒:「唔係呀話對咁耐依家先有feel」

我:「係呀



嗰下唔知點解覺得佢好靚

應該咁講，

一直以嚟都覺得佢係一個靚女

不過嗰刻絕對唔係呢個程度

我都唔係好識形容



總之我到今日我都重記得嗰個畫面」

司徒:「你執到啦

小學之後細表姐好似就未掂過我」

我:「佢係咪知道你啲珍藏所以唔敢呀」

司徒:「佢知嘅話肯定係你講」

我:「我從來冇爆過

你唔信問下佢」

司徒:「咁依家你想點先」



我:「梗係搵你幫手套料

睇下你細表姐點諗」

司徒:「講真我唔係話吹奏

我覺得細表姐呢一年開朗咗好多

以前上到嚟真係可以冇表情

永遠淨係講收到唔該

最近真係唔係



會講下笑呀

同我嘅話題就係講你」

我:「師傅當真」

司徒:「呃你有金執咩

咁佢呢一年最大分別就係識咗你

又或者入咗學生會成個人樂觀咗啦

呢啲你自己知啦你熟過我」

我:「講真識落去真係唔係第一印象咁



原來都幾玩得」

司徒:「可能同你先係啫」

我:「你咁講我會面紅喎」

司徒:「屌你啦扮野」

我:「唔怕同你講埋

其實我成日話同佢講啲好撚曖昧嘅野

但佢好似冇乜反應咁樣」



司徒:「睇死你條友講埋啲好撚誇張嘅野啦」

我:「你又知嘅」

司徒:「識你幾耐呀屎忽鬼

睇死你咪又係講埋啲咩『最好係你』、『錫晒你』咁樣」

我:「又俾你發現咗」

司徒:「你咁樣講佢九成都以為你吹水啦

根本就唔可以作準」

我:「係咩

定真係冇feel

萬一捉錯路真係好撚柒」

司徒:「你柒開架啦

怕乜」

我:「等埋你收風先啦

不過唔好問得咁出面

佢好撚醒目」

司徒:「得啦我辦事你放心

依家你想知佢點諗

又唔想俾佢知丫嘛

係咪」

我:「係呀係呀」

司徒:「嚟緊幫你套一套口風」

我:「唔該大佬」


雖然身邊有唔少人都講筱瑜對我係有感覺

不過好明顯嗰一刻我feel唔到啦

人地講乜都好，

都唔及佢自己本人講嘅ー句

講開又講

一直以嚟我都冇問過佢鍾意邊類型男仔

事關我地一向都大把話題講

唔需要每一刻都拉去兒女私情嗰邊

不過今時唔同往日

真係想知佢點樣諗

不過又唔可以直接問佢喎

從來我都覺得佢好醒目

少少事就已經可以察覺到端倪

直接問我驚打草驚蛇

所以嗰晚就喺度諗緊應該點樣問好

咁樣好唔好呢，

跟住係咁質疑自己

然之後再諗第二個方法

成晚不斷循環以上情節

諗嚟諗去都硬係有破綻

算數啦到時見招拆招啦都係

突然間醒起，

依家當時人係我

我知道一切咁梗係會諗到破綻

佢唔係丫嘛

我諗到嗰啲破綻位佢未必會捉到當中嘅因由

同埋語氣最緊要輕鬆

冇幾耐就瞓咗覺

去到第二日返學，

食完飯重未夠時間上堂，

咁就梗係學生會室

冇幾耐佢就嚟咗

一切同我預期嘅一樣，

好死唔死陸續有幾個人過嚟

咁多人喺度點可以問呢啲敏感問題

唯有再等下啦

跟住再喺度諗，

機會都係要自己創造，

唔可以再被動呀點都要主動一次

我唔係講表白，

我只係講我想知佢鍾意邊類男仔呢個行動啫

我:「放學有冇野做」

筱瑜:「做咩呀」

我:「有冇野做先」

筱瑜:「你講咗先丫」

我:「冇

頭先食飯食唔飽

想食pancake啫」

筱瑜:「食咩嚟呀食唔飽

好少聽你咁講喎」

我:「今日淨係食麵咋嘛

因為要趕住返嚟抄功課唔係食好多野」

筱瑜:「你真係好彩因為我都鍾意食pancake

好呀」

我:「咁我放學過嚟搵你一齊去」

筱瑜:「唔好俾人留堂呀」

我:「你都痴線嘅不嬲都係乖學生

功課交齊默書又拎高分

點俾會人罰留堂」

筱瑜:「係喎點解你咁叻嘅」

我:「咁你又假咗啲」

講多陣鐘聲就響起，

我地都順理成章返去班房

依家距離放學仲有兩個零鐘，

一陣上堂可以再繼續諗下個計劃

點樣可以更加完整。