[校園][純愛]《幸運星下的預言》: 第七十七章

反轉成個megabox

不停上上落落

終於搵到佢心目中嘅銀包

筱瑜:「喂喂你兩個你覺得邊個靚啲」

嗰陣佢俾咗兩個銀包我睇



兩個都係黑色

第一個望落去就光滑啲

一打開入面又有四五格

你知啦要裝身份證八達通

遲啲就銀行卡



到時淨返一兩個位裝乜都得

呢啲情況計多梗係好過計少

同埋本身我自己鍾意一啲立立令嘅野

佢依家表面咁光滑就有呢個效果

我第一眼睇就幾鍾意



咁當然冇買

因為我買野嗰陣好少睇鍾唔鍾意先

你有需要嘅時候咁梗係睇鍾意嚟決定

不過前設係有需要先囉

好似依家咁銀包又未爛

即使見到好啱心水都唔會買

至於另一個銀包表面冇咁光滑

不過原來內籠可以裝更加多野



同埋封面有幾個字

筱瑜:「點呀你覺得邊個靚啲」

我:「你問我就覺得呢個靚啲」

我梗係指住表面立立令嗰個

的確鍾意嗰隻多啲

再望一望價錢原來佢平啲

封面有字嗰個貴啲



筱瑜:「你真係覺得佢靚啲」

我:「係呀

其實我好鍾意立立令嘅野

另一個唔係唔好

有啲字喺度都好撚型

不過如果真係要比我鍾意立立令嗰個多啲囉」

筱瑜:「多謝先生你嘅寶貴意見」

我:「買啦等咩呀」



筱瑜:「你有道理」

跟住佢嚟手拎封面有字嗰個行去收銀處嗰邊

我:「依家即係特登玩野啫」

筱瑜:「你睇我幾信你啲眼光」

我:「特登叫我出嚟原來想我做燈神」

筱瑜:「係呀唔係你以為咩呀」

我:「屌即刻灰晒



我咁信任你點知你當我係傻仔」

筱瑜:「咁你就唔啱喇

其實我真係有聆聽你嘅意見」

我:「係有聆聽

不過聽完之後即刻揀另一個丫嘛」

筱瑜:「所以話你睇野太表面

可能好快你唔會咁講呢」

我:「唔知你噏乜撚」

筱瑜:「乖啦唔好嬲啦

買完繼續睇野啦」

我:「有得話唔好咩」

筱瑜:「你真係叻嘅啫」


我同佢都唔鍾意溜冰

所以唔使諗大家捉住大家嗰啲情節

不過好多人都應該明

同女仔行街，

入去時裝舖就唔少得

筱瑜佢都唔例外

成日都問我邊件靚

我:「講真你著乜都咁靚我唔識講喎」

筱瑜:「喂呀認真啦」

我:「屌你又唔係冇錢

買晒佢咪得囉」

筱瑜:「唔想多得滯收得太入

到時唔記得拎返出嚟著呀

邊件靚啲啫」

我:「我講邊件靚有咩用

最後你都係揀第二件啦」

其實嬲就冇嬲嘅

大家眼光有唔同好正常

不過係同佢玩下啫

筱瑜:「哦原來有人嬲咗」

我:「冇喎

邊敢喺你面前嬲呀」

筱瑜:「小器呀你」

我:「係呀我好小器

唔好得罪我呀十年都記得」

筱瑜:「真定假

我就唔信你咁好記性」

我:「你都痴線嘅我冇記性

你唔知啫」

筱瑜:「咁我應該幾榮幸喎

竟然值得傑哥銘記於心」

我:「係你咋冇第二個

第二個即刻開佢波

重使咁撚慘要記仇」

筱瑜:「嘩你想做啲咩架

我依家有啲驚喎」

我:「你因住呀

我都唔知做啲乜」

筱瑜:「唔玩喇真係問你意見

邊件好啲呀」

我:「呢件啦屌」

最後我指咗一件淡黃色薄褸俾佢

純粹我覺得佢著起上嚟好襯咁解

因為佢本身皮膚白

講明先我啲眼光都係好濕鳩

我覺得靚嗰啲其他人未必咁樣認為

睇人都好啲，

飾物又或者衣著可能真係第二回事

筱瑜:「好啦咁我買呢件」

我:「今次冇拎起第二件喎」

筱瑜:「你真係好鬼小器

係喇係喇我唔啱喇」

我:「講笑咋俾錢啦」

筱瑜:「請你食雪糕

食完甜野開心返

費事俾你係咁講周圍唱」

我:「ok喎咁我就老實不客氣」

有時真係禍從口出，

當日嘅口出狂言，

今日輪到自己承受返

有時候又真係好公道，

只可以話記性咁好唔完全係一件好事。