好快就去到中七

真真正正成為全校最高級別嘅學生

回望返轉頭,

六年原來真係過得好快

鳩下鳩下咁又過一年



最大成就,

應該係中六學期尾同筱瑜佢拍拖

講真嘅可能你地唔信啦

由第一日開始我已經係咁諗

同到佢拍拖,



真係唔知我幾生修到嘅福氣

對於呢間學校,

我唔會再強求任何野

就當我冇大志啦

開學日我一如以往咁,



一早去佢屋企樓下

然後佢亦都同過往一樣

親自整咗舊三文治俾我食

筱瑜:「中七嘅同學你好

我:「係囉咁快又到中七

筱瑜:「嗯

眨下眼又幾年

我:「依家又唔係last day



唔使咁感慨喎

依家講晒到時講咩呀

筱瑜:「哈哈咁你又啱喎

最後半年

我:「你都痴線嘅

呢個唔會係我地最後嘅半年囉

筱瑜:「講漏咗學校啫



使唔使咁敏感呀

我:「對住你喎

神經係咁敏感架喇

筱瑜:「講錯講錯

Sorry

我:「冇啲誠意

跟住佢即刻拖住我隻手

筱瑜:「咁依家夠未呀



我:「差一啖

筱瑜:「著住校服呀

我:「隔離都冇人

筱瑜:「你真係

講咁耐咪錫埋嚟

放心都係面珠登啫

我:「咁就有誠意喇



筱瑜:「你咁耐都係咁

重係咁蠱惑

成日呃人錫人

我:「唔錫我錫邊個呀

我講男性呀我知你實話你家姐

筱瑜:「痴線我都未講

我:「心靈相通囉

筱瑜:「聽過

跟住佢成個人貼埋嚟心口嗰度

我就費事啦因為個位敏感

我:「係咪呢

筱瑜:「都聽唔到

我:「唔使聽都知

就係咁先相通

筱瑜:「低能仔

行返去啦冇時間喇

有樣野我冇同佢講過

其實我一個好鍾意賴床嘅人

任何天氣任何日子都係咁,

我依家朝早返工個鬧鐘都係較早好多

就係因為俾幾個字我賴床

唯獨係中六中七嗰兩年嘅返學日子,

我都夠膽講一日都冇賴過

準時起身跟住刷牙洗面著校服,

然之後就去某個地方等某個人

從來冇人講過係一個約定,

不過比起無數個約定就更加重視

我以前好低能咁諗架,

不過中學雞又有邊個冇低能過呢。


返到去先知

原來我今年唔可以再入去學生會室

應該話唔止我,

係上年學生會嗰啲人都唔可以再入

因為每年嘅中七都唔會擔任學生會

學生會每一年都係由中六學生做

冇一屆可以連任

好明顯我地都唔例外

於是,

開學日完咗之後,

我地成班就要落去學生會室執埋啲手尾

還原個室俾下一屆學生會

主席嗰條撚屌扮晒蟹喺度講幾個肺腑之言

我極度相信佢嗰份講稿係有人幫佢諗

以佢聰明才智點會諗到呢啲說話

主席講完到副主席講,

佢對我幾好

所以我唔會好似諗主席咁樣諗佢

內容都係嗰啲啦

話上年我地齊心合力搞得唔錯

好開心識到呢班人咁咁咁咁

重話依家雖然唔再係學生會

不過依然可以好似上年咁樣一齊玩

講完一輪就開始清理

好多人都唔知我同佢拍拖

淨係得映彤一個啫

如果佢冇同其他人講嘅話,

所以嗰陣我地都唔敢咁明目張膽調情

一齊清理就算

搞掂完之後我同佢就一齊返屋企啦

可能你地會問一齊返屋企都唔夠明目張膽咩

其實嗰陣呢就好多人覺得我地有野架喇

只係一路冇承認啫

同埋一齊放學唔代表乜野啫

不過拖得手大家都知咩事啦

當然啦我依家先知呢個世界唔同晒

聽過唔少人講,

拖手,擁抱,接吻做齊都可以係朋友

講返嗰陣先

出到去門口,

筱瑜:「小氣鬼

我:「做咩呀

佢叫慣晒我都唔會再否認喇唉

筱瑜:「知唔知呢個學生會室對我地幾重要

我:「有幾重要呀

筱瑜:「唔係佢嘅話,

可能我地唔會熟絡起上嚟

今日都重係隔離班同學嘅關係

我:「咁講你就唔啱

有冇呢個地方都好啦,

今日我都會喺你隔離

因為你係走唔出我手指罅

筱瑜:「自大狂

我:「乜唔係咩

筱瑜:「你咁有信心

你話係咪係囉

我:「我有冇同你講過

筱瑜:「咩呀

我:「其實上年我係唔想入嚟

不過主席嗰條躝癱佢話唔夠人

我又問佢可唔可以俾個hea啲嘅位我做

佢話得我先至入嚟,

其實真係誤打誤撞

筱瑜:「原來係咁

以為所有野都係你嘅部署添

我:「依家梗係知冇入錯啦

咁都俾我識咗個一流女朋友

筱瑜:「又話點都走唔出你手指罅

我:「都係嘅

我地咁有緣分

一唔一齊只係時間嘅問題

筱瑜:「好野喎真係唔會面紅

我:「梗係啦我都係講事實

18歲嘅我,

不知天高地厚,

明明都未參透所謂嘅愛情定理

何謂緣,何謂分,

都未懂為何物

居然語出驚人,

大大聲講所謂嘅有緣分,

對於一個咁天真嘅自己,

除咗一笑置之外

真係冇其他態度。