[校園][純愛]《幸運星下的預言》: 第一百零三章

平安夜嗰日，

我地約咗下晝出發

離遠就見到佢

第一下真係有少少反應唔切

因為著得好靚



淡棗紅色大褸跟住黑色裙再加一對長boot

再整頂聖誕帽

平時見佢都係比較casual

今日應該係第一次執得咁正

我:「好靚女喎小姐



同你一齊行我會自卑」

筱瑜:「你都執得好靚啫

同你一齊行我都會自卑」

我:「聖誕果然係聖誕

平時已經好靚



今日更加係天仙下凡」

筱瑜:「信你一成都死呀」

我:「唔好搣我下巴啦」

筱瑜:「今日真係好認真揀衫

幾驚你話唔鍾意」

我:「痴線

對住你幾時會講唔鍾意」

筱瑜:「唔知呀



點知你咁多呀」

我:「今日行出街唔會望女

淨係望我拖住隻手嗰個

講明先我就唔會睇前面

要靠你帶路」

筱瑜:「低b

講呢啲野你就最叻」



我:「唔係喎

對住第二個就講唔出

純粹由內心而發」

筱瑜:「係喇」

我:「原來你地女仔真係好著重聖誕」

筱瑜:「今次到我講唔係喎」

我:「下」

筱瑜:「著到咁唔關聖誕事



唔計頂帽

係喎我重有一頂

一齊戴啦」

好彩係紅色

梗係唔怕戴啦，

我:「係咩」

筱瑜:「係呀」



我梗係知點解啦

依家唔講你聽啫

所以嗰陣一定要扮唔知，

如果唔係夜晚就冇驚喜

好彩佢都唔係扁晒嘴

可能佢暗地裏覺得半年唔會慶祝

純粹係得佢自己自己期望啫

點會呢，

一陣你就知。


上到車嗰陣喺度傾計

無啦啦佢好感慨講咗唔少野

亦都證明一直以嚟我嘅睇法都冇錯

其實佢係一個外冷內熱嘅人

只係唔會同一啲唔熟嘅人講自己嘅感受啫

好慶幸佢會同我講

呢種人唔係咁容易打開心扉

肯打開，

即係認同你喺佢世界存在

咁就好夠啦

筱瑜:「哈哈

第一次同男朋友一齊過聖誕原來係咁喎」

我:「我都係第一次同女朋友一齊過聖誕

原來真係好正」

筱瑜:「之前真係冇拍拖」

佢扮挾持我

細細力箍住我個頭問

我:「冇呀

拍咗咁耐依家先問」

筱瑜:「唔知呀講開咪講囉」

我:「你出現之前邊個女仔都提唔起勁

自從你出現簡直係顛覆我嘅睇法

原來真係好想拍拖」

筱瑜:「誇張到死

不過呢種感覺真係好奇妙

第一次同鍾意嘅人過節日

多謝呀」

我好想同佢講

多謝留返今晚講啦

不過算啦都係唔好踢爆住

我:「之前冇試過咩」

筱瑜:「冇呀

你估我個個男仔都鍾意咩

係咪咁講先」

我:「抵錫呀你

越嚟越識氹人」

筱瑜:「聖誕梗係要俾啲甜頭你」

我:「哦即係唔係聖誕就唔俾」

筱瑜:「問心有幾時冇俾過丫」

我:「咁我都知你好好

你連我都就得咁好

點會有問題丫」

筱瑜:「係咩你好難就嘅咩」

我:「係得你咁好咋

又靚女又識包容

其實我都好麻煩」

筱瑜:「咁你都好包容啫

其實咁咪好囉

冇鬧過交不知幾好」

我:「係囉我地好似冇鬧過」

筱瑜:「大家都要努力keep住呀

冇人想有拗撬」

我:「錫多啲咪冇囉」

筱瑜:「又係想咁樣」

我:「左邊面」

筱瑜:「麻煩」

講咁多咪又係錫。