[真人真事] 我係一個專門收兵娘娘，即係ptgf: 序章

喺世風日下，女權主義當道，阿媽直頭會教落「條女很清楚收兵好過嫁人」。就係咁，我不知不覺間收咗唔少兵。

我叫藍椗瑜，係一個中四學生，外貌平平無奇，只係勉強稱得上有幾分姿色，不過都係靠裝扮打救。

我留住一把清爽嘅中長髮，身材嬌小，所以惹人憐愛。再搭配貌似無害嘅齊陰劉海，令到不少人都迷戀我。

點解會吸引到唔少異性？大概係因為我嘅萬種風情。我可以可愛動人，可以成熟知性，可以中性型格，可以青春活潑，可以風趣幽默，可以熱情洋溢，可以溫柔體貼等等，滿足不同市場要求。

至於踏上不歸路嘅原因，其實背後有段故事。經歷咗十幾年人生，我開始認為愛情係一份交易，各取所需。與其負出真心去愛上一個人，倒不如利用對方嘅感情，提供幻覺，再從中獲得利益。





其實娘娘就有如ptgf，閒時派軍糧、甜頭，利誘男性喺自己身上投放時間同金錢，誤以為眼見一絲曙光，置身溫柔鄉，好似得到心中嘅女神咁... Ptgf咪就係咁囉。男性都係為咗暫時脫離單身先至付出金錢畀ptgf，但付款畀娘娘嘅方法就係換咗名貴禮物同飯錢。

所以，一個娘娘，就等同於一個大眾ptgf。

以下落嚟嘅章節，就會記錄我情路上遇到嘅人，即係收過嘅兵，亦都會揭露我收兵嘅手段。