每朝早在巴士站相遇的我和她: 第十二章

「疑~ 點解你喺度嘅 嚇死我咩 無啦啦拍我膊頭」

「唔得咩」

「唔理你喇 嬲啊」

「對唔住囉 唔好嬲啦 聽人講呢豬係識飛㗎喎」

「你喺邊度聽返嚟㗎 0分重作」 佢口講0分但係又陰陰嘴笑



「唔洗重作啦 你笑咗喎」

「冇啊 行啦傻仔」

喺搭緊地鐵嗰陣, 無啦啦撞返小學同學, 之後個小同就走咗過嚟

「阿希 好耐冇見 呢個係你女朋友呀?」

「喂 咁啱得咁橋又會見到你嘅 我哋仲係朋友咋」



望一望Tiffany, 唔知點解佢個樣好似好灰咁

「哦 咁你加油啦 我落車先喇byebye」

呼~個小學同學終於走咗, Tiffany睇落去好似有啲唔開心咁。

「做咩咁嘅樣呀 嬲爆爆咁嘅」

「冇....冇嘢」



「啱啱嗰個女仔係我小學同學嚟㗎」

「真係?」

「你呷醋呀」

「冇啲咁嘅事囉 落車啦」之後佢塊面紅哂

「係喇係喇」

入到新都會廣場鳩行咗一圈, 都唔知食咩好

「喂 食咩啊 我哋行咗一圈喇喎」

「不如食pepper lunch啦 我見好似好正咁」



「好啊」

入到去睇一睇個menu, 唔洗幾十秒我已經揀開咗食咩

「hmmmm邊個好呢」

㩒一㩒隻錶開始計時

「啊 終於揀到喇」

「果然有選擇因難症 揀都揀咗10分鐘」

「咁要子細啲睇㗎嘛 到時揀錯咗就唔好啦」



「又係嘅 我去嗌先喇 你睇住個位啊」

「知喇」