為左追到女神我要成為全級第一！: 第十七章：

放學個時，我開部手機黎睇就見到小欣wts我。
小欣：啊俊啊！我爸媽今日臨時有事要上大陸做野，而加屋企剩係得返我自己一個，所以想你幫我買晚餐比我食，我將條鎖匙放左係鐵門入面，你拉開佢就會見到，係咁啦，我繼續訓啦。

睇完之後我就收拾好就準備返屋企放低野同換返件便服著，之後等到6點幾就出去買野食比小欣佢，我又去到附近間粥舖到買粥同去左超市買左啲草莓比佢食。上到去一拉開個鐵門果然見到條鎖匙係到，我用鎖匙打開木門入到去，一遍漆黑，我打開燈之後，放低啲野就入去搵小欣佢。

打開小欣房門，見到小欣仲訓得好冧，我走過去輕聲咁講起身食野啦，佢比我既聲音整醒左，一開眼就望住我講乜到左啦咩，終於可以食野啦！我聽佢咁講真係服左佢，病左都剩係掛住食野。

我出左去拎啲食物出黎同咪去洗一洗啲草莓，我見小欣出左黎就問佢。
我：你見點啊，好返啲味啊？
小欣：食完藥訓左個覺精神都好左啲啦，聽日應該可以返到學。




我：咁咪好囉！係喎我幫你抄今日啲筆記，你精神啲再睇啦，而加都要休息多啲啊！
小欣：嘩咁好死啊！你竟然會幫我抄筆記啊！
我：咩喎，我好人就個個都知道！
小欣：係啦多謝你啦！滿意味啊！
我：算你啦，快啲食野啦，又話肚餓！

小欣佢笑笑口咁開始食野，我同佢食完之後，小欣見悶於是就想搵啲野做，最後我地係到捉象棋同埋挽下卡牌遊戲，挽下挽下就去左11點幾，聽日仲要返學，所以我同小欣講我想返去訓覺，廢時唔知醒遲到。

佢望一望牆上既掛鐘之後講左句係喎真係都好夜啦喎，咁你早啲返去休息啦。講完再見之後我就選擇搭的士快啲返到屋企訓覺。





我返到屋企同小欣wts傾左一陣就去沖涼準備訓覺，之後果四日返學我同小欣都同平常一樣，冇咩特別。