為左追到女神我要成為全級第一！: 第二十九章：

話咁快就兩星期後，今日係派測驗成績既日子，本身我都係用平常心去面對，但去到今日難免都會有啲緊張，但有小欣係隔離陪住我，所以緊張程度唔算特別嚴重。同小欣佢地食完午餐之後，返到學校就係到等一陣英文堂既來臨。

鈴聲響起，英文老師好快就黎到班房開始今日既流程，平時英文堂都經常都有打鬧聲，但係今日大家都異常安靜，可能大家都好緊張自己既今次英文測驗既分數，英文老師講過低過60分都要參加補課，所以大家比平時都努力左，為左唔洗星期六日要返黎補課。

轉眼之間老師已經開始遂個遂個叫名出黎拎卷，我地呢個英文老師有個習慣，就係一開始叫個啲人出黎大部分好高分既，之後叫個啲愈黎愈低分。所以我個時好想老師快啲叫我個名，老師叫左五個名都冇我，而呢五個人入面小欣就係第三個。突然間老師講左三隻字出黎：李日俊！

係我啦，老師係叫我啦！我立刻起身行去老師到，去到老師面前，老師同我講左句：今次考得唔錯喎，繼續努力啊，你可以做到架！我接過份試卷之後就行返去自己個座位到。我望到望唔切個分數就比小欣一野搶左我份卷黎睇，點知佢一睇就同我講左句：乜你咁好彩架！

我搶返我份卷黎睇，我一望就好大聲咁耶左一下，搞到成班都突然望住我，就連英文老師都講日俊同學又唔洗咁興奮既...我笑住咁講聲唔好意思啊...！係71分啊，岩岩好超越左小欣要70分以上既要求。



我即刻同小欣講要願賭服輸啊！小欣就話：好啦怕左你啦，一陣放學去食野個時同你講啦！我：你話架好啦！好快我地就放學啦，我地又去返之前既茶餐廳都食野，今次我叫左沙嗲牛肉公仔麵同都係飲紅豆冰，而小欣就叫左雪菜肉絲米粉，都係同我一樣飲紅豆冰。

係野食味黎之前我就係咁叫小欣快啲答我究竟佢中意邊個，而佢係咁話食完你送我返屋企我就同你講，我可以係到講一句：而加啲女人真係蠱惑！食完之後我就要按小欣要求送佢返屋企，去到佢屋企樓下，佢就突然間拖住我隻手，帶我去佢屋企樓下既公園到坐低。

突然間整個氣氛都充滿尷尬既味道...小欣臉上帶紅同我講其實我中意...我中意...中意...。我個時唔知點解心跳跳得好快，隱約仲聽到我心跳聲。小欣：其實我中意你啊！小欣塊面又淡紅變為深紅，睇黎佢真係好怕醜。

其實我一直都有諗過如果我同小欣係埋一齊係點樣，你知啦我本身就係一個廢青黎既，完全都冇為過自己既將來作任何打算，我唔想要小欣陪我去捱一啲艱難既日子，所以我想成為一個有能力既人既時候再向小欣佢表白，冇理由要一個女仔主動男仔去表白。

我同左小欣佢講完之後，佢就話咁好啦，佢突然諗起要求就係我要拎到全級第一返黎，如果我拎到全級第一返黎就即係代表我有能力啦！佢都唔會想我未來女朋友要等咁耐啊！我聽完就話如果我拎唔到全級第一呢，我係咪會失去你...？小欣聽我講完之後，佢就笑住咁講傻豬黎既，點會拎唔到呢，我對我未來男朋友充滿信心架，佢講完之後就輕輕吉高自己錫左我一啖。



自從呢一日之後我變得非常努力，我要證明比大家睇我係有能力既！