為左追到女神我要成為全級第一！: 第三十三章：

第一份係閲讀卷，啊明同我講要睇完題目先係文章到搵答案，唔好一開始就睇晒成篇文章，咁樣做可以節省好多時間，我按照啊明既指點，好快就做完第一部分既題目。

之後有兩個部分既題目，一邊係比較容易，而另一邊比較困難，回想起之前我都一定簡做容易個部分，但容易個份就算做啱晒都好都比困難個份卷低20分滿分，如果要爭取做全級第一就一定要做困難個份，好在之前係特訓個時有做過幾次。

雖然第一次做個時，做到超時都味做完，經過一番努力終於可以係時間結束之前完成份卷。諗返起之前一路以來既努力，我果斷手起筆落開始做困難個邊既卷，經過一番波折終於都做完整份卷。

之後既寫作卷同聆聽綜合卷都比我迎刃而解，終於考完所有英文筆試啦！我就拿拿臨開返部手機打比小欣佢，等左一陣小欣終於都聽我電話，我即刻問佢婆婆而加咩情況，小欣就答我佢婆婆冇咩大礙，休息幾星期應該會好返。

小欣講完呢句就話成個上午都未食野好肚餓，如果有人送外賣比我食就好啦！我聽完之後就問佢想食咩啊？佢就笑笑聲咁答我話想食咖哩牛肉飯，我答左句好啦，大小姐。





好彩小欣樓下附近有間專食日本咖哩既餐廳，唔係就有排搵...買完之後我上小欣屋企搵佢，按下佢屋企個門鈴，好快小欣就開門比我。原本我諗住幫佢買完飯之後就返屋企溫習，點知佢要我留低陪佢。

我見聽日係考通識科，以我現在既手速相信都應該都可以輕取，所以我就決定陪下小欣，反正得小欣一個係屋企，佢一定會好悶。小欣佢食完野之後，就話想睇戲，於是我就話咁而加去戲院睇啦！點知小欣係佢個袋入面拎左個光碟出黎。

係一套愛情喜劇電影黎，我見到之後就話睇黎你咩都準備好晒喎，小欣就答返我話咁係因為你有一個細心善良美麗既未來女朋友啊，我笑住咁講邊有人咁樣讚自己架，之後小欣就扮嬲咁講話咁你而加係咪唔認同啊！我就立刻攬實佢講左句點會呢傻豬黎既。

睇睇下戲，小欣忍唔住睡意訓左落我膊頭到，見佢訓得咁冧，我就熄左部電視，慢慢抱起小欣佢去佢張床到，安放好佢之後，就準備返屋企，但係臨走之前，我隱藏唔到自己既好奇心，偷偷打開小欣本日記簿。

一睇原來小欣已經記錄左好多我同佢之間既事，有一頁仲貼左我同佢張合照，個張係我同小欣做動物義工個時影，而加睇返原來都過左好耐，我偷偷影低呢一頁，見小欣今晚都係一個人，佢家姐去左陪佢婆婆。





於是我決定唔返屋企住而係去左買左啲餸返黎煮下，成日都食外賣會唔太健康，買完餸就係我大展拳腳既時候，係我煮煮下既途中，小欣佢起左身，佢見我係到煮飯就要我比佢接手，要我快啲去溫下通識，係喎聽日仲要考試啊！之後我就比小欣佢接力。

小欣佢煮完既時候，我都岩岩好溫左三分二既內容，剩餘既內容返到屋企再溫。食飯啦！小欣煮既野食果然有水準啊！食我到要去添飯，唔洗一瞬間我同小欣就食晒嚕。本身小欣話佢去洗碗就可以啦，今次我一定要做主，小欣煮得咁辛苦，冇理由係佢洗碗，所以我就即刻衝去洗碗，小欣見況都講左句真係冇你乎。

洗完之後，我就搭車返左屋企，一邊聽住歌一邊溫埋剩底個啲內容，溫完後我就沖涼上床訓覺。













由於小弟近幾星期比較繁忙，所以更新時間都比較耐
敬請各位原諒。