今天的風好像格外的溫和,不知不覺在這學校已經走了兩年,不知不覺已經念完初中,準備踏入高中的旅程



「喂,阿言,下年中四有冇興趣搞學生會?」阿聰突然出現在我身後,拍一拍我的肩膀



「咪玩啦聰爺,我點掂啊?」說真的,我真的認為自己不能勝任這工作





「你一定掂啦,我地全部人撐你做會長啊!」阿軒在我左手邊拖住我的契妹突然出現,而Rachel亦和應阿軒



「係囉係囉,阿哥你一定可以㗎!」Rachel亦乘機把我的頭髮弄亂





「喂喂喂!唔好搞我個頭!Nicole,我想知你點睇。」我把目光放在一直個躲在一旁,默不作聲的Nicole身上。Nicole不但可說是我們當中最理性的人,更是最了解我的人。從小一起長大,所以挺了解對方



「我沒所謂,反正我一定支持你。」Nicole臉頰透出淡淡粉紅,玩弄自己的長髮,漫不經心的説話



「你唔係話自己最接近神既咩,去啦」阿聰輕拳的打在我手臂上,這一直都是我倆的溝通的方法





「如果你地肯一齊選的話,都可以嘅⋯」我用平淡的語氣說



「但我地得五個人,邊到選到?」我立刻補充



「人咋嘛,搵咪有囉,你平時有咁蠢㗎咩?」Nicole報以無奈的眼神,拍一拍我的頭。Nicole她有時候會很溫柔,可有時候卻很暴力!



「問題係邊到搵?」我一臉不解的看着他們





「我地五個一人搵兩個就夠啦」這次輪到Rachel用無奈的眼神看著我



「點解我諗唔到」阿聰掩面地説



「當然係因為你蠢」我冷眼看一看阿聰





「你去死啦!」語畢,我們開始了我們打鬧的日常。你沒有看錯,這就是我和阿聰幼稚的日常!



「咪玩啦兩個低能仔」Rachel又一臉無奈



「好好好」我坐下,然後開始討論找人的問題



IG: _nanase._





「你做的,無論對或錯,我也會支持你」
已有 0 人追稿