[酒店甜故] 酒店高層淫事: 第七章

同小燕離開房間之後, 為保安全, 我同佢決定出去搵個地方食飯先再商討, 但睇戲睇得多, 呢啲情況通常都係會比人跟蹤, 我瞄吓身後, 果然真係見有個大陸佬正鬼鬼鼠鼠咁跟住我哋尾。
 
我響小燕耳邊度咬耳仔, 小燕聽倒之後好驚, 而我就正諗緊點算至好之際, 小燕跟住就細細聲同我講 : 「Raymond, 我估黃生已經對我起咗疑心, 因為之前佢質問過我, 問點解香港指定要我嚟協助你, 而我就係唯一以前個呀 head 何生啲人, 但自從何生比黃生迫走咗之後, 跟住酒店啲數就開始好亂, 不過好彩當時係酒店總經理請我番嚟嘅, 所以黃生就無炒到我。」
 
小燕再繼續講 : 「因為香港果便唔信黃生, 所以今次公司就叫我負責去睇盤數, 但就因為佢哋不嬲都唔比我睇其他資料, 所以公司先要你上嚟同佢哋攞 file 比我睇, 但如果比佢哋知道係我查到啲問題嘅話, 我驚……」
 

 
小燕個身響度震緊, 睇嚟個黃生嘅背景似乎唔係咁簡單咁, 我問住小燕 : 「但如果真係比佢哋知道係妳搵倒佢哋啲罪証嘅話, 咁佢哋會點對妳架?」
 


小燕正口震震咁講 : 「唔知呀, 不過佢哋成班都唔似係好人咁, 我驚到時佢哋會……」
 
小燕愈諗愈驚, 但我就安慰住佢咁話 : 「但而家已經開咗個頭, 我哋都無得再去驚架嘞, 不如我哋諗吓點先唔好比佢哋再懷疑妳仲好啦。」 小燕問應該點做至好, 我不斷咁諗, 燈, 有計。
 
我響小燕耳邊度講, 我哋不如咁咁咁, 跟住又咁咁咁, 然後就再咁咁咁, 小燕聽倒之後正皺住眉頭, 見佢正一臉嬌羞同紅住塊面咁話, 「我哋唔係真係要咁做吖嗎…….?」 我再同佢講 : 「咁妳仲有無其他辦法諗到吖?」
 
小燕無言, 但見佢諗咗一陣之後, 跟住就扭扭擰擰咁微微點咗一吓頭。
 
我哋行咗入一間飯店度食飯, 但我瞄到個大陸佬都有跟埋入嚟, 不過條仆街使唔使就坐正響我哋隔離張枱度咁揚呀, 我示意小燕要自然啲, 餸嚟開始食飯嘞, 我夾住餸比小燕, 跟住我再刻意態度親匿咁同佢講, 「呀燕, 上次妳嚟香港玩得開唔開心呀?」
 


小燕好快咁答番我 : 「文哥, 上次我玩得好開心呀。」 我再同佢講 : 「妳就真係醒呀, 知係我會上嚟 check盤數, 妳就叫公司派妳過嚟協助我, 哈, 估唔倒咁又可以同妳響埋一齊喎, 我諗過架嘞, 今次我點都要同妳玩番兩三日我先至番落香港架。」
 
小燕又再同我講 : 「得兩三日咋? 唔好啦, 你留響度耐啲啦, 人哋掛你真係掛得好辛苦架。」 我再講 : 「唔好咁啦, 最多到時妳得閒就落嚟香港度搵我嘞, 乖啦, 文哥錫哂妳吓。」