[酒店甜故] 酒店高層淫事: 第十章

我見頭先換衫個女仔正裝住我嚟問, 我殊番住佢, 跟住就指吓度門出面, 然後又再指吓隔離房嘅方向, 我細細聲同佢講, 「唔好咁大聲呀, 我住響隔離房度架, 不過隔離而家有賊入咗我間房度呀。」
 
個女仔唔信, 「有賊? 你個咸濕佬住響隔離? 你呃我唔知邊個住響隔離呀, 人哋係香港總公司派嚟嘅財務總監, 而你就成個賊樣咁, 你咪走呀, 我而家就叫保安上嚟拉你。」
 
個女仔真係攞起個電話就打, 而我好快就衝住埋去搶咗佢個電話, 「唔係呀, 我無呃妳架, 我真係住響隔離房度架。」
 
個女仔仲係唔信, 「好呀, 咁你過去開門比我睇吖, 不過如果你開唔倒嘅話, 我就大聲嗌有賊入嚟非禮我架。」
 
個女仔搶番個電話之後, 跟住就同我一齊行出什物房外, 我攞張匙卡必住個門鎖, 吓擦, 房門已經開咗, 我示意個女仔跟埋入嚟房度睇, 「嗱呀姐, 我真係住響呢間房度架。」
 


個女仔見到咁, 即時烚熟狗頭咁同我講 : 「原來你真係果個財務總監呀….呀咩Raymond 哥嚟呀, 失敬失敬, 唔好意思呀, 頭先多多得罪, 包含包含。」
 

 
妳就真係包含嘞, 但我再殊住個女仔, 跟住我就四圍視察房內所有嘅出風口, 小喇叭吖, 果然真係比我搵倒幾個針孔攝錄機出嚟, 我掹哂所有攝錄機用水浸住響洗面盆度, 個女仔見倒就好驚訝咁問, 「嘩, 做咩會有咁多呢啲嘢響度嘅?」
 
我再全房巡多一次, 再無發現之後, 估計應該都已經安全, 跟住我就再問個女仔 : 「係呢, 妳叫做咩名呀?」
 
個女仔傻笑住咁講 : 「你叫我做玲玲吖, 我係負責日頭做執房嘅, 不過而家啱啱先收工, 但咁啱頭先響入面換衫就比你睇倒, 唔好意思呀, 都怪自己唔記得鎖好度門咁啫。」
 


我望吓呢個玲玲, 其實勉勉強強佢都可以叫做係靚女嚟嘅, 個玲玲又再講 : 「係呢 Raymond 哥, 頭先我話你似賊係我唔啱, 因為佢哋話你係好有型, 但頭先我見你又真係好似果啲…….」
 
我撥番好啲頭髮, 跟住再擺住個姿勢嚟比佢睇, 「咁而家呢?」