[酒店甜故] 酒店高層淫事: 第三十六章

房內, 我哋見有個面無表情, 但就渾身充滿住壓迫感嘅男人, 正靜靜坐住響度不發一言。
 
玲玲好緊張咁殊住我哋, 跟住佢就再細細聲咁同我哋講 : 「死嘞, 呢間房我哋唔入得嚟架, 秀媚話呢度係有個犀利人物長期包咗呢間房嚟住架。」
 
我哋再望吓個男人, 但個男人就依然未有動靜咁, 玲玲跟住就再同我哋講 : 「呀倩話佢好似係叫做雄哥, 而且聽講佢響香港係幾有勢力咁架, 不過秀媚講明, 要等佢有通知, 我哋先至可以入嚟幫佢執房架。」
 
小燕問我 : 「響香港好有勢力? 咁 Raymond 你知唔知佢係邊個嚟架?」 我搖一搖頭, 但 Anna 就講 : 「我搜尋資料最叻, 等我搵吓佢到底係咩背景先。」
 
Anna 按住手機, 跟住再響百度按上香港雄哥四字嚟搜尋, 一大堆有關資料好快就已經出現。
 


香港雄哥生平
香港雄哥黑社會
香港雄哥老婆
香港雄哥女朋友
香港雄哥三圍
香港雄哥 J 圖
 
玲玲指吓 Anna 個電話就話 : 「妳睇啲圖對吓個樣係咪佢嚟先, 按下面果個咩 J 圖入去睇吓。」
 
Anna 一按, 跟住一大堆雄風激凸嘅嫩草鮮肉相就彈哂出嚟, 三條女睇到眼都突哂, 我問佢哋搵成點, 三條女即時退後兩步唔比個電話我睇。


 
但突然個雄哥開始沉沉咁講咗一句說話出嚟, 「你哋四個入嚟做咩事呀?」
 
我哋比佢嚇咗一跳, 跟住玲玲首先就同個男人講 : 「唔好意思呀, 因為出面有人追緊呢個男人,  所以…….」
 
個雄哥用對眼厲住我嚟講, 「咁出面啲人做咩要追你呀?」 又到小燕搶住嚟答 : 「其實都唔關佢事嘅, 只係因為咁咁咁…..跟住就再咁咁咁…..然後又咁咁咁….., 所以而家咪就搞成咁囉。」
 
個雄哥聽完之後就無出到聲, 但等咗一陣之後佢又再同我哋講 : 「你哋同我出番哂去, 我呢度唔係避難所, 而你哋嘅事我亦唔想去理, 走。」
 
死嘞, 出面依然仲有人聲, 但如果而家就咁出番去嘅話, 我腦內即時就諗起當年許文強行出百樂門舞廳之後, 跟住就比人係咁亂槍砰砰砰砰砰砰砰砰砰砰砰砰砰砰砰…….掃射完之後咁就死咗。


 
個雄哥仲響度超啤住我, 但突然, 佢個電話響起, 雄哥接咗電話之後, 見佢原本殺氣騰騰嘅面口, 但突然之間就好似變成一隻小白免咁慈祥般可愛。
 
「點呀乖女, 係咪有事要搵爹啲呀……..」 見個雄哥靜哂響度聽住電話, 而我哋呢個 moment 就梗係打死都唔會出番去住先啦, 個雄哥突然望一望我, 跟住見佢又再同個電話講 : 「咁個男仔係唔係高高地, 長長地頭髮, 小小靚仔, 但就成個花花公子咁款架?」
 
雄哥又聽住個電話, 跟住靜咗一陣就話 : 「哦, 咁應該係佢嚟嘞, 但而家佢同緊三個女仔響我間房度喎, 哦, 咁妳上嚟睇吓到底係咪妳講果個人先嘞。」