廢鳩俠2: 8.巧遇

晚上，阿彩返到基地時

望住猶如廢車場般凌亂的地下室，不禁大叫

「嘩屌！做乜鳩呀？」



「整緊野丫嘛，家陣阻住你咩」





正埋頭苦幹的阿七不耐煩道


凪咲將扳手放下，站起身子

「我同阿七依家諗住改良blacksuit呀」



「吓..你乜水呀？」





對住凪咲，阿彩毫不禮貌


「我叫凪咲呀！係阿昇響大學既師妹黎架！」但凪咲仍保持笑容


「佢係阿昇搵返黎幫我手既..」

阿七再補充:「阿昇話，佢會同新月響果邊住一排...」






「乜撚野話？即係話我要對住地兩個？！」

阿彩氣道:「唉算，我返上去，你地慢慢砌高達啦！」



「嘻嘻，你個拍檔阿彩都好得意喎！」凪咲笑著說


「得意？仆街就有佢份呀！」

阿七氣道:「都唔知係咪前世欠左佢！整咁多裝備比佢用都咁串」






「欠你老母..我靠自己既！」上到閣樓的阿彩仍聽到阿七在說自己壞話，馬上反擊


「仆街咁都聽到...」






「就係咁啦，依家得返我同果個柒頭，仲有果個乜鬼野凪咲響個基地度」

阿彩邊吃午餐邊道






「我都想去日本住呀，拓也~~~」對住拓也，小櫻亦變得小鳥依人


「等你讀完大學先」

拓也非常成熟:「最多過埋今個學期，冬天同你去日本旅行啦」


「嗯，都好！錫哂你呀拓也！」

小櫻忍不住吻了拓也一下


望住熱戀中的兩人，阿彩不敢直視





「嘩屌！你地兩個唔好響我面前親熱啦！」


「拍拖真係好開心架！阿彩姐姐你都識返個男朋友啦！」

小櫻捧住檸茶道


「不了，對香港啲男人無興趣，又廢又無用！你果個阿哥已經係人辨啦！」

「咁咸濕阿哥的確係幾廢既，哈哈！」

阿彩和小櫻一同把阿七搬上桌上，盡情恥笑








「食飽飯，返去訓陣先囉..」

飯後，阿彩打住呵欠問:「小櫻你地呢？」


「唔得呀，我應承左拓也要上堂呀」小櫻扁起小嘴


拓也摸住小櫻的頭頂

「雖然我地好有錢姐，但係..你都要比心機讀書先得架」


「嘻，拓也你講咩我都聽既！」



「唉屌真係頂你地唔順，走先！」

「拜拜啦阿彩姐姐！」




跟小櫻兩人道別，阿彩獨自在港大校園內遊走


「香港男仔個個都咁廢，點襯得起我呀！我緊係...」


「啪！」

一個身影從後撞向阿彩

熟練武術的阿彩並未有撞跌，相反那人卻撻至地上


「喂屌！睇路丫！」

阿彩生氣叫道


轉頭一看，是個背住結他袋的四眼青年

「唔..唔好意思呀！」

青年一邊道歉，一邊拾起地上的樂譜



阿彩見青年帶滿歉意

「唉算啦算啦，幫你執啦...咦....」



望住其中一份樂譜，阿彩呆了一會


「你鐘意...UVERworld架？」

UVERworld為有名的日本樂隊，阿彩和小櫻均為其樂迷


「嗯！不過都係自己練下既姐...」

青年問:「你都鐘意架？」


「鐘意左好多年架啦..」



阿彩和這男生志趣相投，越傾越投契


「丫估唔到你聽歌口味都同我差唔多喎」

阿彩作個自我介紹:「我叫阿彩，你呢？」


「我叫Ricky」

Ricky再講:「阿彩你有冇興趣...一齊夾band呀？我地隊band依家差個主音呀」


「夾band？！」

阿彩有點擔心:「我識結他姐，但係未唱過歌喎...」


「唔緊要，照樣試下啦」


阿彩猶疑了一會

「咁...試下囉...」