廢鳩俠2: 10.要保護的人

「.....」

晚飯時，拓也依然一語不發


「...拓也....」

小櫻終於按捺不住:「你..無事丫嘛...」







拓也回過神來，才發現自己冷落了小櫻

「...無...無事...唔好意思...」


將咕嚕肉放到拓也碗中後，小櫻再問

「今日果個人...你識得架？」







「...」

拓也似乎卻言又止


「佢係我..一個好耐以前識既人」






「係..幾時識架？」

「響我仲係殺手果陣」



拓也將往事娓娓道來

「我細個果陣，一直都係響孤兒院長大」

「直到有一日....」








「拓也，有人決定左要收養你」

「咩...咩話？」



孤兒院的修女將拓也帶到一個精神飽滿的老者面前

「小朋友...從今日起，我就係你既『主人』啦」




「我跟左佢上車，去左一間別墅，果度有好多同我差唔多年紀既細路」






「佢地...同你一樣都係孤兒？」小櫻問


「有啲係，有啲係被呢個老人家捉返黎」

拓也握緊拳頭:「呢個老人家係殺手集團既老闆，專門訓練我地呢啲孤兒...幫佢做事」

「一般人對我地呢啲細路都無太大警覺性，所以..我地可以輕易落手」


年幼的拓也，利用別人的同情心，完成殺人任務

「但係，當我殺得越多無辜既人，就越迷失....究竟我所做既，係咪真係正確」





「就響我十五歲果陣，我遇到韋德...佢同我一樣，係果個殺手集團既細路」






「我叫韋德，我感覺到你..同我都係同一類人」

「我同你都應該知道，我地唔可以成世都做果班大人既刀刃」









「我同韋德幾經辛苦，襯住一個大雨既夜晚，成功逃離出呢座大宅」

拓也繼續道:「之後我同佢就分道揚鑣，加入左IID...」




「拓也...」

小櫻扁起小嘴:「點解...你唔一早同我講呢啲野呀？」


「我唔想你唔開心，而且...」

拓也放下筷子:「我過去唔開心既事，我唔想比你知道」


「.....」

小櫻似乎有點生氣:「有咩事...我都可以同你分擔姐...」

「定係你...覺得我根本對你唔重要...」


「唔係呀小櫻..我...」

拓也解釋:「我就係著緊你，所以先唔想講，我唔想見到小櫻你唔開心...」

「而且..我更加驚...你知道我既雙手...沾滿無辜既鮮血」



「拓也...」

眼泛淚光的小櫻馬上攬住拓也

「我係你女朋友黎架嘛..有咩事，我都願意同你一齊分擔架..」

「就算你對手幾多血都好，呢啲都係過去既事黎，依家你既雙手已經好乾淨啦，唔係咩」




「小櫻..」

拓也嘆一口氣:「你真係..唔介意？」


小櫻搖頭

「你..永遠都係我最鐘意既拓也！」



活了二十多年，終於有一個愛著自己的人

拓也感到無比幸福

「小櫻，多謝你」




拓也道:「不過..我覺得呢個韋德黎香港係有陰謀...或者，可能佢係想策劃某啲襲擊...」

「我會同發叔佢講一聲架啦，呢段時間我地出入都一齊啦，我唔想小櫻你有危險」


「拓也...」

小櫻轉泣為笑，攬得拓也更實

「你好溫柔呀，我最鐘意你啦！」


「小櫻........你攬到我好痛」