廢鳩俠2: 15.兄妹對談

「隆隆隆！！！！！」


阿七穿住blacksuit，飛回基地



「阿七你返黎啦！」

凪咲馬上放下手上的電腦:「嘻嘻，新既blacksuit好唔好用先！」







「咔！」

全身濕透的阿七從blacksuit中出來



阿七二話不說，攤在地板上







「嗄...嗄...」



「點解..阿哥你好似好攰咁既？」小櫻問






「blacksuit飛行時候既衝擊力係好大架」

凪咲為阿七遞上毛巾:「不過，阿七你真係好犀利呀，真係打得贏部機械人」



「少事姐..更大部既都打過啦..」

阿七道:「結衣bb...依家果邊既情況點呀？」


結衣bb將電視台的現場報導投放

「在十分鐘前，一部高度同成年男性相約既機械人同蜘蛛型機械人駁火，並成功令蜘蛛型機械人停止活動」





「現時警方既反恐部隊正進入立法會大樓營救人質」




「呼，咁就好啦」

阿七站起：「不過，呢部蜘蛛型機械人到底係咩來頭呢？」


結衣bb:「我頭先掃瞄過，佢同我地見過既迪拉斯機械人最大既分別就係佢冇用生物cpu」

「換句話講，即係佢係有人操控緊...」






「有人操控...今次又係咩人呢」


拓也亦忍不住張口

「除左迪拉斯之外就已經冇其他勢力有能力整到部咁既機械人，所以...」


「又...又係迪拉斯佢地？」小櫻問


「未必，因為迪拉斯依家響亞洲既勢力已經大大減弱」

拓也沉思著：「更大既可能係，佢地提供軍備比各個恐佈組織或者傭兵部隊，攻擊香港」







「...雖然我唔係好知你地講緊乜...但係睇黎阿七你地面對既敵人都幾龐大架喎」凪咲道


「無錯，迪拉斯依家對我地虎視眈眈，依家仲用『代理人』繼續攻擊我地，更難對付」

「更重要既係，我地仲未知...佢地既真正目的」


話說到此，眾人都一語不發


「不過，我諗發叔同IID唔會就手旁觀，所以唔洗太過擔心」





拓也再道:「係呀，阿七，小櫻頭先話黎搵你...」



「呃...我？」



「咪..咪亂講呀拓也！」

小櫻嘟起小嘴:「我只係上堂果陣見到你果兩個朋友，想知你點解無返咁耐學姐..」


「你.你講肥良同賢仔？」


「嗯，即係同你一齊黎女僕cafe果兩個呀」

小櫻問:「聽凪咲講，你係去左搵果個露露丫嘛」


阿七點一點頭

「係呀..佢..佢自從上次響大學canteen遇到恐怖襲擊之後，就有左創傷後遺症」

「所以我咪...多啲去探佢囉..」




「好心阿哥你就大膽啲啦...上次連表白都唔敢」

小櫻苦笑道：「依我睇，呢個露露都對你有啲意思既」


「真...真係架？」說話到此，阿七更加肉緊



「阿哥你真係唔識追女仔架喎！都比你上咁多次屋企啦，起碼唔係對你反感先啦」

小櫻吞吞口水再道：「等佢好返，再表白啦，今次真係要靠自己啦阿哥」


「...嗯！」

阿七定下決心，下次定要向露露表白

「哈哈，小櫻你依家冇再叫我做咸濕阿哥啦喎」


「哼，你都冇叫我咩櫻啦！」

兩兄妹比起以前，關係似乎和諧不少



「咁...小櫻你依家...同拓也生活得好嗎」


「嘻，緊係好啦」

小櫻攬住拓也，大秀恩愛：「依家一日24小時都你同拓也過，好幸福呀」


「放心啦阿七，我會好好咁對小櫻，唔會令佢傷心」

拓也堅定的眼神，令人相信他一生只會愛著小櫻一人


「嗯 咁我就放心啦」

阿七話雖如此，卻心想:「仆街，一諗起淫櫻以後要比呢個拓也屌就好撚嬲」

對阿七而言，其實並不捨得小櫻這個妹妹



「屌你老味，搞乜鳩呀..」

剛回到家的阿彩一步一步落到地下室:「頭先搭車聽收音機，話有部機械人搞撚掂左另一部蜘蛛機械人，睇怕都係你條柒頭做架啦...咦，小櫻你地都響度既？」


「阿彩你...」阿七和小櫻同時呆著


「做乜鳩呀？」




小櫻望住阿彩的下半身，一條杏色長裙

「阿彩姐姐你做乜著裙呀？」