「嘩..乜咁大件事呀...」


正在閱讀的露露,聽到房間外母親的聲音



「咔...」






露露打開房門

「媽咪,咩事呀...」



「露露..無野!無事無事無事!」

露露的母親馬上關掉電視機,裝作無事發生






知道母親有事隱瞞,露露馬上取過搖控器打開電視機


「相隔一星期,香港再度發生恐怖襲擊,今次既目標係青馬大橋」

「但好好彩,上次響立法會出現既機械人再次出現啦!」


電視台派出無人機,拍攝青馬大橋上的戰況







「媽咪..唔駛驚,依家我..無事架啦...」

露露知道母親是生怕勾起自己的不快回憶,特意關下電視




「我響度!!」

聽住由機械人身內發出的聲音,露露似乎發現了....








「呢個...機械人把聲...唔通.....」







「究竟你同迪拉斯係咩關係?」



韋德冷笑一聲





「你都唔簡單喎,知道迪拉斯既野!你次次都要壞我大事...今次我點都要將你碎屍萬斬!」




韋德伸出右手,黑色纖維物延長飛向阿七


「結衣bb,其餘四部機就靠你啦」

「知道啦」







五部blacksuit啟動噴射器,輕鬆避開



「第二下你又避唔避到呀!」

纖維物再度延出分枝,攻擊二號機


二號機打開背部的重機關槍

「格格格格格格!!!!!!!!」

重機關槍不停旋轉,將黑色纖維物射停





但纖維物未有變弱,繼續嘗試飛向二號機



而四號機就落到地面上,準備以雙拳重擊韋德


「有用咩!」

韋德未有收回右手,反而從腋下伸出多一雙右手,體積跟本身的差無幾



「咩..咩話!」

「呢啲就係經過迪拉斯改造既金屬古菌既厲害啦!」



「果然無錯,係上次果隻金屬古菌,但係...強左好多」




「噹!噹!」

四拳互相衝撞,產生的衝擊波將四周的車窗震碎

連阿彩也差點被震飛



「哇屌,咁既情況我點幫拖呀...」

縱使阿彩的接近戰強大,但面前這種電影才出現的戰鬥,自感無力




「阿彩姐姐!」

跑得滿頭大汗的小櫻和拓也,從迪士尼趕到現場


「小櫻?點解你會黎既?」阿彩大感驚奇


「係阿七叫我地黎架」

拓也問:「依家情況點呀?」



「條柒頭同緊隻怪物打緊...依家我都唔知點樣幫手」




韋德已經伸出多隻觸手,攻擊阿七和其他blacksuit

「阿七,分析好啦,呢啲黑色既纖維物既結構同一般既鈦合金好相似」


「但係...佢可以隨意改意自己既元素排列,所以佢可以不斷變型,就好似纖維咁」




「合金....即係話同上次一樣,用電就得啦!五號機!」

阿七連同四部blacksuit馬上退後



「嗯?」韋德感到驚奇


一早已經儲存好電力的五號機,飛到韋德的頭上




「高出力電磁炮,發射!!!」


「吱!!!!」

非常高速的電磁炮擊中韋德



「可惡...」

受電磁炮的磁場影響,韋德身上的黑色纖維受到一定破壞

自身的速度亦減漫



「好機會!!!」

三號機馬上繞到韋德身後,使出迴旋斬

勉強將一部份包圍住韋德的纖維物斬開



二號機亦對缺口射出小型飛彈

「轟轟轟!」



「仆街!」

韋德忍住電磁炮造成的劇痛,一手將三號機揮開,彈至十米外


接住再取起身旁的貨車,擲向低空的二號機

貨車速度奇飛,正正擊中二號機


韋德欲以泰山壓頂跳往二號機,被四號機及時捉住,將他拉到地面上

「勒勒!」



「砰砰砰砰砰砰砰砰砰砰砰砰砰!」

啟動最高功率的四號機,以九秒一百拳的速度打往韋德的頭上



「就係咁啦,打死佢!」阿七心裡大叫




「噹!」

「哼...咁就想殺死我?」


只受了少許傷的韋德,緊緊捉實四號機的右拳頭,並握得出現裂痕


「咩話..連四號機既鈦合金裝甲都握得爛?!」


「嘭」

韋德二話不說,一拳將四號機的頭顱打飛



「區區廢鐵,阻到我?!」

再以被纖維物包圍的右腳將四號機的胸口踩碎,四號機正式「陣亡」
已有 0 人追稿