廢鳩俠2: 27.同伴
「啊呀呀呀呀呀！！！！！」
韋德發瘋似的，對住四人直奔
「我既金屬古菌...係無敵既！！！！」
韋德的每一步，都仿佛可將地面踩碎！！！
「阿彩！」
「得啦！」
阿彩先打頭陣，向韋德衝過去
「成件大舊衰咁，仆街啦你！」
速度更快的阿彩先避過韋德的第一擊，以滑行方式繞到韋德的背後
「食屎啦你！」
阿彩啟動拳套上的高溫，打中韋德的腳邊
腳上的黑色纖維物來不切再生，就已經被阿彩再追打，足以將韋德打倒
「呀！仆街！」
韋德一怒之下，將纖維物形成刺針，飛出身體外
「刷刷刷！！！！」
刺針擊中阿彩的戰衣上，竟反彈到韋德處
「呢件戰衣唔單止防子彈，仲可以反彈攻擊，勁撚到癲呀！」
阿彩也不禁大讚凪咲製作的戰衣
被阿彩一路壓制，使韋德忍無可忍！
「啊呀呀呀！！！！！」
韋德用盡氣力，用力揮向阿彩，背水一搏
來勢猛烈，阿彩只好不斷退後尋找機會
「等多陣..仲差一陣咋...」
「死八婆！避夠未！」
阿彩多次差點中拳，險象還生
「噠噠！」
拳套上發出兩聲音效
「充好電，仆街啦你！」
阿彩終於等到
她馬上啟動拳上的發電裝置，擊打韋德的下盤
電流之強足以將韋德打到全身麻痹，攻擊變慢
「廢柴！你越黎越慢啦！！」
「可惡...同頭先電磁炮一樣，呢隻電好攞命」
「佢個本體響心口度，就追打呢個位！」
阿彩利用戰衣的小器噴射器，跳到半空，對住韋德的上身狂打
「噢啦噢啦噢啦噢啦噢啦噢啦噢啦噢啦噢啦噢啦噢啦噢啦噢啦噢啦噢啦噢啦噢啦噢啦」
無數的拳擊，使韋德身上黑色纖維物慢慢變小
「柒頭，差唔多啦！！！」
「知啦！」
阿七打開blacksuit背部的導彈匣，向韋德發射最後一記導彈
「颯！」
韋德已經留意到阿七，馬上捉住阿彩
「我...就搵你擋導彈！」
「擋你老母！」
阿彩不停掙紮，用了大量氣力才使韋德鬆手，但同時導彈跟兩人只差三米距離
「阿彩，走呀！！！」
利用黑色纖維物的支撐，阿彩成功從韋德處彈開
「要比導彈炸既...係得你一個姐！」
「嘭！！！！！」
導彈擊中黑色纖維物上身的缺口，引發爆炸
被氣流爆開的阿彩及時扶住大橋邊的石欄，未有飛出大海
「差一步咋！！！」
爆炸使包圍韋德的黑色纖維物出現缺口
再加上熱力和剛才阿彩的電流攻擊，短時間難以再生
「拓也！！！」
拓也一早已經跟住導彈，跑到韋德的腳邊
「！！」
韋德只顧攻擊阿彩，並無料到這一著
拓也跳到半空中，對住韋德處投出手上的大刀
大刀速度猶如子彈一樣，插中纖維物內的韋德
「呀呀！！！！」
此擊正中韋德的胸口，無疑是記致命一擊
纖維物隨即馬上變小，直到縮回韋德的身體中
失去金屬古菌的韋德，跌到地上
小櫻跑落拓也身旁
「成..成功左啦？」
「嗯，似乎係啦」
「喂，點呀！」
阿七跑到阿彩面前，將她拉起
「屌你，緊係未死得啦！」
兩人互相扶持，慢慢站起
「喂，柒頭」
「咩呀？」
阿彩笑了一聲，道
「今次唔單止裝備勁，連你個人都勇過之前...你終於似返啲樣啦」
阿七苦笑，將頭擺到一邊
「你咁講...算係讚我呀？」
拓也一步一步行到韋德前:「韋德...」
「嘿...哈哈哈哈！」
身中致命一擊的韋德一息尚存，吐著血大笑
「真係估唔到...咳咳！係拓也你..殺我喎！哈哈哈！！」
「咳咳..你以為...自己可以擺脫自..自己的命運咩！」
「唔好唔記得...你係果個阿伯...最愛既細路呀...」
「你遲早..會..記得...『失控既感覺』！哈哈哈....」
「哈哈哈.......」
韋德一路大笑，直到斷氣為止
「....」
拓也望住地上韋德的屍體，一語不發
「失控既..感覺」
但最擔心的，是身旁的小櫻
「...拓也.....」
「喂！你地無野丫嘛！！」
IID行動司發叔隨著一大堆IID部隊來到大橋
拓也從迷惘中抽身
「發叔...？點解你響度既？」
「黎執手尾丫啦..」
發叔望住地上韋德的屍體，道:「呢個韋德身上既金屬古菌...似乎同之前既有啲唔同...」
「無錯」
親眼見過兩款金屬古菌的阿七也插嘴:「上次既金屬古菌最多都係令皮膚變硬，今次直頭可以好似venom咁包住自己既身體，又可以變成纖維物咁攻擊...」
發叔托住腮子
「似乎迪拉斯有改造過金屬古菌...我會帶呢個人既屍體返去研究，有結果再同你地講啦」
「哈哈，今次你地都做得好，阿昇果然無睇錯人..」
發叔走到阿七和阿彩面前，拍拍他們的頭頂
「屌仲提條契弟！掉親我地自己去日...啊！！」
阿七激動到觸及傷處，痛得大叫
「你地幾個點都要去醫院驗下傷先啦，最多湯藥費我比啦...」
今次的青馬大橋之戰，總算告一段落