《一零六四》: 第十九章「兼職」

自從認識了Kimberly，感覺生活充實許多，上課時旁邊有人跟我說話，而且她間中會在Instagram分享一些有趣的貼文和影片給我。

「喂，呢個好似幾正咁。」

「去試下囉。」

我和Kimberly依舊坐在同一個位置，她拿出電話和我一起觀看網上的食評。

「但我冇錢去食，都係算。」我說。



「我請你食啦。」Kimberly白了我一眼。

「咁梗係非常樂意啦。」我微笑地說。

本來Kimberly約了我下星期二，但星期二大學足球隊有選拔，於是我就提議星期三才去。

「冇問題！」Kimberly笑道。

我們聊著聊著就下課了，完全沒留意時間。



「你去邊呀？」Kimberly問。

「我今晚唔返Hall喇，星期五返屋企。」

「哦...」她點點頭。

「咁下星期見啦。」Kimberly嫣然一笑。

跟Kimberly道別後，我便獨自前往巴士站。



當我準備戴上耳機時，看到了愷淇。

「愷淇？你搭呢邊嘅今日？」我說。

「喂阿翹。」她抬起頭來。

「係呀，我今日要去上水返工。」

「咁突然，好遠喎。」我淡淡地說。

「冇計啦，返炒散儲錢嘛。」愷淇笑道。

想不到她有在做兼職，像我這麼懶的人，每星期就是靠以前的儲蓄和零用錢度日，不過大學生返Part Time也很正常。

「返咩架？」我問。



「飲食囉，你有冇興趣返呀。」愷淇問。

「哦...我要諗諗先。」

「睇你個樣，係懶多過要諗喎。」

愷淇無奈地看著我，我只好攤攤手。

「喂我有車喇，你諗好Whatsapp我啦。」

「哦...拜拜。」我跟愷淇揮手道別。

愷淇也挺聰明，竟然看得出我是個懶人。



既然有Part Time做，那嘗試下也無妨。

於是晚上我Whatsapp愷淇，她也很快回覆了，問我後天有沒有空，我查了查日程表，便跟她說可以。

「咁星期日16:30上水火車站等啦」

「OK」

星期日那天，我到達上水火車站後已經看到愷淇，非常準時。

愷淇一路上都看著電話，沒抬起頭。

「其實係返咩架？」在路上我問愷淇。

「婚宴嗰類，捧下菜夾下野，好簡單。」



我點點頭，便跟著愷淇前往工作地點。

那裡是一間酒樓，我按照愷淇的指示換好制服，就到出面等候，有幾個男生也和我並列等候著。

「你負責幫客斟酒。」經理指著我說。

似乎挺簡單，希望我不會手震。

晚上十二時半，上水火車站外。

「我都係唔返......」我無奈地說。

「你唔太適合做呢啲。」愷淇笑道。



我剛才倒瀉了三次酒、打破了兩隻碟。

還有一隻碗，我真是沒用。

跟愷淇道別後，我回頭看了看，發現愷淇又看著電話，而且臉上露出笑容。