《一零六四》: 第二十二章「邀請」

或許是經常跟Kimberly見面，覺得彼此的關係產生了微妙的變化，發現自己常常想起這個女孩。

可能只是我沒有朋友，才依賴了Kimberly。

這天心血來潮，打算約Kimberly在Midterm之後去看電影，說沒有想過有更進一步的發展是假的，但我又覺得未是時候。

「去唔睇戲？」我正在Kimberly的房間溫習。

「咁突然？幾時先。」她看著我問。



「考完Midterm去睇好唔好？」

按照她的性格，應該會說不，然後嘲諷我。

「嗯...可以呀，你諗住睇咩戲？」

竟然這麼爽快就答應了，出乎意料。

「七月與安生，啱唔唔睇。」



「我都諗住睇喎，不過搵唔到人同我睇。」

「既然你約我嘅咁就同你睇啦。」

Kimberly嫣然一笑，害我有點臉紅。

「考完就去睇啦！」我笑道。

在Kimberly的協助下，數天後的Midterm我基本上都會做，都挺有信心能夠取得高分。



一年容易又星期五，所以我又踏上回家的路。

「喂。」剛踏出校園又碰到愷淇。

「喔阿翹，返屋企呀？」愷淇問。

「係呀，點呀你呢排學會啲野忙唔忙。」

愷淇好像愣了愣，然後又微笑起來。

「唔算多野做啦，點似你，上大莊喎。」

我尷尬地笑了笑。

「我冇咩做架咋，咪又係搞下啲細活動，係出年個Ocamp麻煩少少啫。」我說。



「係喎你出年要搞Camp，咁你除左搞自己Society個Camp，有冇諗住做第二個Camp嘅組爸？」愷淇問我。

「組爸？我又未諗喎。」

愷淇點點頭，便沒再說話。

「喂，愷淇。」

「嗯？」

「你有鍾意嘅人？」我偷偷地看著她。

愷淇睜大眼睛，看著我。



「你...你點..梗係唔係啦！」她別過臉說。

被我發現了，呵呵。

「邊個黎架啫。」我用手肘碰一碰愷淇。

「點解我..我要同你講！好熟呀！」

又到了分別的地方。

我攤攤手，便跟愷淇道別了。

「走喇！拜！」