《一零六四》: 第二十六章「運動」

這天放學後我去了學校健身室，希望抒發一下失落的心情，雖然表白失敗，但Kimberly還是跟我一起上課和吃飯，只是自此我就沒有去過她的房間。

本來還想找她做組媽一起玩Ocamp。

現在真是不了，不想再被拒絕。

「阿翹？好少見你做gym喎。」

「喂Kenneth，係呀黎發洩下。」



「哦？有咩要發洩。」

於是我把跟Kimberly的事全部說了一遍。

「頂，即係比人收左兵啦。」Kenneth笑道。

「唔好再喺傷口上灑鹽，我屌你。」

「講笑講笑。」Kenneth拍拍我說。



我沒理會Kenneth，去了舉啞鈴。

雖然已經過了一段時間，但當時的畫面仍記得很清楚，現在想起也會打冷震。

「咪講笑啦！」

「我地兄弟黎架喎！」

「屌，好想死。」我掩著臉說。



片刻後，Kenneth走了過來。

「阿翹，你遲啲玩唔玩Camp？」

「嗯...有機會嘅，但唔知搵邊個一齊玩。」

「你有冇識人都想玩？」Kenneth問我。

基本上除了暗影煞的人和莊員之外，在大學基本上沒認識多少人。

不過朋友不用多，有兩三個知己就足夠。

「Kimberly...Kimberly...Kimberly...」

「喂，做咩呆曬咁。」Kenneth拍拍我。



「喔冇，唔知點解突然聽到個舊朋友把聲。」

Kenneth不解地笑了笑，又說。

「一係咁啦，你搵唔到人嘅，我同你玩。」

「男仔可以做組媽？」我驚訝地說。

「屌你咩，我做你OC呀。」

「.......」擦了一把冷汗。

如果跟Kenneth玩也不錯，好歹他也高我一個Year，而且有很多玩Ocamp的經驗，有他在會安全點。



「哦，好呀。」我點點頭。

我和Kenneth在跑步機上跑了一陣子，順便拉拉筋，之後便一起回藍Hall。

「下個月有Hall杯喎，你踢唔踢？」他說。

「咩Hall杯。」我問Kenneth。

「踢波囉，鬥其他Hall。」

「哦...唔夠人嘅我都可以踢嘅。」我笑道。

「咁我幫你報名啦，識你之後都未同你踢過波，搵日睇下你咩料。」Kenneth說。

「得啦。」說罷我便跟他道別。