《一零六四》: 第二十八章「組合」

「我返屋企呀。」

「好啦！拜拜！」

星期五下課後，我和Kimberly道別之後就獨個兒踏上回家的路，有時候真的好奇為什麼Kimberly可以一整個禮拜也留在宿舍。

現在跟Kimberly仍然維持朋友關係，不過已經沒以前那麼熟稔，她找我的次數也沒以往那麼頻繁。

也好，重新出發吧！



戴上耳機後，聽到有人叫我。

「喂阿翹。」

「喔，愷淇。」

「今日返工？」我留意到她帶了背囊。

「係呀，返埋你嗰份。」愷淇笑了笑。



「唔好提起啲咁柒嘅野。」我掩著臉說。

「冇計啦，點知你咁笨手笨腳，第一次返工就打爛曬啲野。」

「你嗰晚嚇到我唔敢同經理講野。」愷淇說。

「對唔住囉...我都唔想。」我搖搖頭說。

片刻後，發現愷淇跟我上了同一架巴士。



奇怪，去上水不是搭另一架？

「做咩上呢架車嘅你？」我問。

「我去探爺爺呀。」愷淇坐到我旁邊說。

「你又話返工？」我一臉疑惑地問。

「呃你咋傻仔。」愷淇笑了出聲。

「..............」

正當我打算戴上耳機時，想起一件事。

「啊係，你係咪會玩隔離soc個camp？」



「嗯，係呀。」愷淇說。

「你諗住做組媽定OC。」我說。

「組媽囉，但未搵到人part。」

我點點頭。

幾秒後。

「如果你唔介意嘅。」

「我做組爸好冇？」