《一零六四》: 第三十三章「疑惑」

自從跟愷淇和Kenneth見面之後，感覺好像拉近了彼此之間的距離，認識對方更多。

比如愷淇喜歡看籃球，Kenneth喜歡踩滑板。

不過在玩Ocamp之前還有一個終極Boss。

考試。

距離Final Exam沒剩多少時間，要加緊溫習，所以放學後我去了圖書館，打算靜靜地背書。



不在Hall溫習的原因是不太習慣。

始終Ronald在房的時候，有點奇怪。

「嗯？你竟然會溫書？」

溫習期間，有人在我身後經過，是愷淇。

我們都挺有緣，連在圖書館也會碰到。



「喔愷淇，就黎Final啦嘛。」我看著她說。

「哦...你溫緊咩科？」愷淇看著我的筆記說。

「Econ囉，不過好難。」

愷淇想了想，然後坐到我旁邊。

「洗唔洗我教你呀。」愷淇哄前身體地說。



這時候，我想起某個人。

「唔..唔洗啦，我識溫嘅。」我面有難色道。

「我Econ都幾好架啵！真係唔學野？」

我想了數秒，覺得其實也沒壞。

「哦...可以嘅...」我點點頭說。

說罷愷淇坐到我旁邊，開始教我Econ。

「睇下先，你呢度...機會成本唔係咁解喎...」愷淇稍稍側著頭，看著我的筆記說。

「咁係點解？」我低頭注視著筆記。



「即係決策過程期間...要面臨多項選擇...當中被放棄而價值最高嘅選擇。」愷淇一邊寫下重點一邊解說。

「明唔明？」愷淇抬頭看著我。

我搖搖頭。

「簡單啲講，即係天下冇免費午餐。」

「你要得到某啲野，就要犧牲某啲野。」

這樣說的話，又好像很簡單。

我凝視著愷淇，愷淇也凝視著我。



「做咩咁望住我？」愷淇問。

「覺得..覺得你幾醒。」我說。

「我醒就唔係第...」

但說完不夠兩秒，我就很想笑了。

「噗。」還是忍不住。

「你笑咩呀。」愷淇瞪著我說。

「冇呀。」我笑著說。

「講唔講呀你！」



「唔講會唔會死？」

愷淇突然雙手掐著我的脖子猛搖。

「放..放..放手！嘈住其他人！」

平靜下來後，愷淇還瞪了我幾秒。

之後便一起繼續溫習。

好像很久沒這麼用功。

不知道是不是食錯藥。