***補充***
—阿翹自己上莊嘅學會係
心理學會(Psycho)

—愷淇+阿翹做組爸組媽嘅學會係
市場學會(Marketing)




開會之後,我一直不敢問愷淇能否幫忙頂替做組媽,因為我隱約記得Thomas這個人是愷淇之前喜歡的對象。



但除了愷淇之外,我們實在沒其他選擇,最後我以普通吃飯為由,約了愷淇在旺角朗豪坊見面。

我本來打算Whatsapp詢問愷淇,但Johnson跟我說親口問成功機會比較大。

「喂,阿翹。」愷淇拍拍我說。

「喔你..你黎拿?」我有點緊張,可能是害怕愷淇會拒絕這個請求。

「係呀,突然約我出黎嘅?」



愷淇今天穿了純黑色短袖T-Shirt、白色熱褲和一雙帆布鞋,聽起來像很普通,但實際上又很漂亮。

「諗住見下你咁囉。」

愷淇頓時愣了愣,臉上有點泛紅。

「呃,我意思係想同你傾下Marketing個Camp啲野,睇下有冇咩需要做。」

「哦...原來係咁咋...嚇死我咩。」愷淇說。



「上去上面坐住傾?」我指著電梯。

「嗯!」

究竟我應該怎麼說出口,這個組爸是愷淇曾經喜歡的人,叫愷淇怎麼跟他一起玩?

愷淇應該會拒絕吧,但Johnson又叮囑我必定要遊說到愷淇做我們Ocamp的組媽。

十分懊惱。

「喂阿翹,飲咩呀,請你飲。」愷淇笑道。

「你會咁好死?」我淡淡地說。



「係呀係呀,我喺你眼中最衰架啦!」愷淇說。

我看一看餐牌,全是英文。

「咁我飲...呢個。」我指著餐牌說。

「喔?呢個?呢個啫係邊個呀~」愷淇奸笑道。

「咪..咪..呢個囉,指埋比你睇啦!」

「唔識讀咪出聲囉,我唔會笑你。」愷淇用手肘碰碰我道。

「我坐低先...」

我白了她一眼,便找去位置坐了。



在等待愷淇途中,我一直構思著應該怎麼問。

直接問?還是隱晦點?

三分鐘後。

「諗緊咩呀翹哥。」愷淇拿著兩杯不知明的物體,放在桌上,然後便坐下來。

「冇咩特別,作緊Beat啫我。」我揮揮手說。

「作Beat?你都識作架咩,我記得第一晚喺鯉魚門見你Dem Beat都抽曬筋喎!」愷淇掩著嘴笑道。

「挑諗啫又唔係叫我Dem Beat。」



「同埋我係中文系才子黎。」

「咁Beat就交比你諗喇喎!」愷淇說。

片刻之後。

「覺唔覺一年原來過得好快。」愷淇托著頭問。

又會突然問這種問題。

「都真係幾快,諗返起玩Ocamp嗰陣,好似只係琴日嘅事咁。」我點點頭說。

「唉!我唔想升Year2呀!」愷淇伸一伸懶腰,不小心露出了肚臍,我只好順便看看。

「其實冇咩分別啫。」我淡淡地說。



「都係嘅~」愷淇無奈地回應。

是時候做正經事。

「愷淇,我想..問你樣野。」我凝重地說。

「係。」愷淇放下杯子,頓時認真起來。

「你...可唔可以...黎Psycho幫手做組媽?」

愷淇皺起眉頭,便說。

「咁突然嘅?唔係已經夠人架喇咩?」

「本身係,但有個組媽臨時唔玩。」

「所以而加爭一個組媽。」

「就想請你幫幫手...」我別過臉說。

三秒之後。

「見係你..幫下你啦。」愷淇笑著說。

「真?」我瞪大眼睛問。

「乜我似講笑咩?」愷淇瞇眼笑著。

誰知你會不會。

上次在巴士說要去炒散,結果是去探爺爺。

「咁我要Part邊個?」愷淇問。

我深吸一口氣,便說。

「組爸係籃Soc個Thomas,OC係...」

我還未說完,愷淇的臉色頓時變得奇怪。

但兩秒後又回復正常。

「嗯,可以呀。」愷淇點頭說。

竟然這麼順利?

「但你...唔係同佢....?」我緊張地問。

「唉呢啲過左去就由佢啦!」愷淇揚揚手道。

希望如此。