《一零六四》: 第三十八章「視線」

前往鯉魚門度假村期間，一直想著剛才的事。

「點解佢無啦啦會喺度。」

雖然已經放低Kimberly，但是看到她又會有種可惜的感覺，可能是有少許不捨得她。

我和Winky還有可盈負責運送物資，由於數量頗多，所以我們Order了一輛小型貨車。

「頭先見唔見到Thomas同愷淇」可盈說。



「佢地好似幾好傾咁。」可盈補充道。

「梗係見到啦，有講有笑添。」Winky嘆道。

「愷淇係唔係同Thomas有啲野？」可盈問。

「唔會掛，之前愷淇又話放棄左？」Winky說。

「咁呢層我又唔太清楚喎。」可盈噘起嘴說。



聽到她們的對話，不知道為什麼覺得很奇怪。

「喂，你唔係同愷淇好熟？」Winky拍拍我問。

「我都唔知呀，可能又撻返著呢。」我說。

「呢輪成日見你同愷淇一齊喎。」可盈笑道。

「你對人地有冇野呀～」Winky看著我問。



我白了她們一眼，然後補充說。

「鬼知。」

她倆繼續閒聊，我便沒理會。

很快就到達鯉魚門，安置物資後，我和莊員們就開始佈置所需要的場地。

大約晚上六點半，所有人都回來了，MC則在解說一會要做的事。

「一陣玩Detective Game，太家識玩就唔講太多，你地拎齊野就出發。」

Pre Camp的作用是模擬一次Ocamp運作，再看看有沒有什麼位置有Bug或者需要改善的地方，所以不用長篇大論地說廢話，反正大家都知道規則。

在眾人準備離開時，我偷偷瞄向愷淇，發現她跟Thomas談話時的表情有點古怪，直覺告訴我，愷淇那笑容是裝出來的。



難道愷淇覺得很尷尬，只是硬著頭皮繼續？

「阿翹！」Kimberly突然出現。

「嘩比你嚇死咩，有野搵我？」

「唔係呀，見你呢排好似成日同第二個女仔一齊，諗住睇下你點啫～」Kimberly奸笑道。

「關你鬼事。」我敲一敲Kimberly的頭。

「哼，叻啦而加！有新女就唔記得我喇！」Kimberly雙手抱胸，別過臉說。

都不知道是誰拒絕我。



「你快啲去影相啦。」我淡淡地說。

「而加去囉....」Kimberly噘起嘴說。

現在跟Kimberly聊天，還是挺享受的。

不過只是朋友那種感覺。

「...........」

我抬頭瞄一瞄愷淇，發現她也在看著我，於是我們對上了視線，但她很快又別過臉，然後離開房間。

「翹，同我去鬼屋搞啲野。」Johnson說。

「OK。」