《一零六四》: 第五十五章「身不由己」

「做咩呀你，怪怪地咁嘅。」Kimberly問。

「冇咩特別呀。」事實是我的心很痛。

「係咪見到人地同第二個男仔一齊，呷醋呀？」Kimberly在鬼屋前面停下來，認真地看著我。

好像除了Kimberly教我讀書的時候，都沒怎麼見過她這個認真的樣子，有點不習慣。

「...........」我低下頭來。



「唔出聲即係認啦，唔好咁啦你。」

「好快就完架喇，佢地又唔係感情好好。」Kimberly在安慰我，覺得她也挺會關心別人。

「嗯，都係。」說罷我便進去鬼屋開始工作。

Kimberly搖搖頭，跟著我一起進去。

晚上的活動完結後，開始檢討會，爸媽們坐在床上，我和莊員則排成一列坐在椅子上，等待爸媽提出意見。



「你地game與game之間太多gap位，唔好拖咁耐先開始，咁樣會好dead air。」某個組媽說。

「我都覺，同埋你地要分配好啲人手，有啲game得一個人hold，會搞到佢好辛苦，又run得慢。」愷淇也開口了。

我看著愷淇，默默地把她們說的話記在紙上。

一小時後，組爸媽們便開始離開。

「愷淇！」在愷淇臨走前，我把她喊停。



「嗯？咩事。」愷淇微笑地看著我。

我們走到一旁，莊員看著我倆也沒特別的表情，可能都習慣了我和愷淇是感情很好的一對。

「我想問...你係咪嬲咗我？」我緊張地問。

愷淇側一側頭，思考了兩秒便說。

「傻啦，邊有嬲你。」愷淇笑道。

「但係頭先你見到我同Kimberly嗰陣個樣...」

「咁...我...唉，總之我冇嬲你啦！」愷淇擠出笑容道。

「哦...咁就好，我好驚你嬲咗我...」



「噗，傻仔，快啲去做嘢啦，比莊員鬧喇你。」

說罷愷淇便離開，我也放心了不少。

「點呀愷淇講咩。」可盈和Winky過來問我。

「冇嘢呀。」我笑道。

「超，你兩公婆肯定又講埋啲肉麻嘢。」

「都係唔知比較好。」可盈說。

我攤攤手，就和莊員們開始執拾明天的物資。



翌日的下午又是一輪團體遊戲，之後就到了晚上的Disco Night和Campfire，我站在電腦旁播歌，看著眾人愉快地跳舞。

我注視著愷淇，她把組仔女搭配後，就走到Thomas旁邊，愷淇尷尬地笑了笑，就開始和他跳起Campfire來。

我知道愷淇是不願意的，但是無可避免，只望Thomas不要對她毛手毛腳，否則我真是會崩潰。

誰料到這個Thomas真是把愷淇的腰抓得緊一緊，然後牽著愷淦左轉右轉，臉上還帶著自負的表情。

「屌.....」我十分生氣，用拳頭打了一下牆壁。

因為我什麼做不到。

「喂！轉歌喇做咩呀你！」Winky走到電腦前說。

「喔....對..對唔住。」我連忙道歉。



「哎你咪咁啦，做嘢還做嘢，唔好將私人感情同公事擺埋一齊先得架。」Winky皺起眉頭說。

「知道喇.....」我無奈地說。

真是分得開嗎？

看到喜歡的人被其他男生毛手毛腳。

會好過嗎？