《一零六四》: 第六十一章「對酒當歌」

在眾人洗澡之後，愷淇示意眾人坐在床鋪上，我和Kenneth則拿出兩枝伏特加，準備實行我們的秘密計劃。

「你地係咪第一次玩Ocamp呀？」愷淇問眾人。

「我已經玩過系O啦！」William自信地說。

「其他人呢？」愷淇笑道。

他們搖搖頭，即是除了William之外，所有人都沒有玩過酒Game，那就好了，我和Kenneth的目標就是William。



「咁你一定好飲得喇係咪！」Kenneth笑道。

「梗係啦，我有個外號係千杯不醉。」William說。

千杯不醉？看看今晚誰會第一個倒下。

「好喇咁我地開始啦，首先大家報下Status先。」我笑道。

眾人開始報上自己的感情狀況，大部分人都是A1和O1，只有倩柔是A0，這個William說自己A3，我看他這個樣子，應該是A380才對。



「倩柔你咁可愛，冇人追咩？」愷淇笑著問。

「冇呀...我好少同男仔講野...」倩柔搖搖頭說。

「咁趁Ocamp識下人啦！」愷淇說。

倩柔這麼內儉，應該是被Marketing的莊員圍著逼她報名，不然依她的性格不會玩Ocamp。

「嗯！」倩柔笑著點頭。



「唔驚啦，組爸鍾意你，搵組爸拍拖囉。」William邪惡地說。

這個人是不是來搗亂的？

「哎...唔好講呢啲喇！我地開Game！」我笑道。

說罷我便拿起撲克牌，然後開始Unfair。

在向眾人解說玩法後，我跟愷淇就分別選擇隊友。

我、倩柔和Kenneth一隊，至於愷淇則跟其他七個組仔女一隊，雖然我們人少，但我和Kenneth不會輕易被擊敗。

「十！開！」

「玩十五二十真係唔夠你玩。」愷淇無奈地笑道。



「洗乜講，下個！邊個黎！」我拍拍床鋪說。

「我黎啦組爸，睇下你點輸。」William自信地說。

「好呀，你想玩咩？」我看著William說。

「大話骰。」William說。

「七個六。」William自負地看著我。

「開你。」我揭開骰盅，只有一個六。

William只有四個六，所以他輸了。



「頂！」William不屑地說。

結果我一夫當關，Team Kill了愷淇她們。

「嘩...乜你咁犀利架咩...」愷淇拍一拍我笑道。

「之前你咪見識過囉！」我單一單眼說。

「你地輸左！快啲飲啦你地！」Kenneth說。

之後愷淇她們就各自拿起酒杯，開始飲起酒來。

「組媽，我幫你飲埋！」William奪過酒杯道。

「咕嚕咕嚕.....」William一口氣把酒灌掉。



「好飲得咁喎你！」愷淇笑道。

片刻之後。

「組媽我又輸喇！唉！」愷淇拿起酒杯說。

「咪住，William你又話好飲得嘅。」我說。

「係囉...幫組媽頂左佢啦。」Kenneth說。

愷淇看著我，不解地笑起來。

「飲..飲咪飲！驚你呀！」William支支吾吾地說。



呵呵，按照這個進度，看你三點就醉了。

「倩柔，你悶唔悶呀？」我問。

「唔悶呀...同你地玩都幾開心。」倩柔笑道。

「嗯！咁就好喇！」我說。

凌晨四點半，組仔女們都大致醉了，便攤在床上休息，William更是醉得不省人事，在房間外的走廊上昏睡中。

之後Kenneth把我拉到走廊的一旁。

「喂，成功。」Kenneth奸笑道。

「今日係熱身，聽晚佢飲到胃出血都似。」我瞄著地上的William說。

此時，愷淇走到我們旁邊。

「你地古古惑惑咁，講咩呀。」愷淇滿臉通紅，似乎也有點醉，不過仍然尚算清醒。

「喂，我去訓陣先，你地慢慢傾。」Kenneth說罷便回到房間。

待Kenneth離開後，我便搭著愷淇。

「講緊William好屎囉。」我笑道。

「梗係啦...！你地成晚就係咁隊佢...」愷淇鼓起泡腮說。

「我係保護緊你啫！同埋係佢自己搶酒飲咋！」

「真係激死人！」愷淇噘起嘴看著我。

「喂...仲有，你同倩柔好好傾咁！」愷淇掐著我的臉說。

我把頭靠在愷淇的肩上，默默地看著她。

「嗯....？你呷醋呀？」我笑著問愷淇。

「邊..邊有呀！你..你諗多左喇！」愷淇本來已經因為有點醉意而滿臉通紅，現在又因為害羞，臉變得更加紅，真的很可愛。

「真~係~」我微笑道。

「我..你..哼！唔理你喇！」愷淇別過臉說。

我笑了笑，便放開愷淇。

「你入去訓啦，我知你好攰。」我說。

「咁你呢？你唔訓呀？」愷淇問我。

「你想同我訓呀？」我奸姣地問。

愷淇咬著下唇，打了我的手臂一下。

「講笑講笑~我去睇睇William就訓。」我說。

「咁好啦！你唔好咁夜。」愷淇說罷也回到房間。

我便走到William旁邊看看他。

「噁。」不小心打了個嗝。

「都係去訓先。」