上課鐘響起,他們也沒再追問,下一節是科學課,所以要到四樓的實驗室裡上課,正當我執拾書本和文具準備走出課室,家欣和鄭君婷過來叫停了我。

「今日本小姐心情好,邀情你同我地女神家欣一齊食Lunch啦!」

突然這麼好?

「喔,好呀,反正飛機佢地好似要幫足球隊搞招新人嘅野。」

「咁一陣見啦言仔!」說罷她便和君婷笑著走出課室。





「喂,君婷同家欣搵你做咩?」白頭佬走過來搭著我的肩膊。

「冇呀,佢地話想同我食Lunch喎。」

「哦......好啦!」奇怪,怎麼白頭佬那麼關心我,難道他是基的?

「一齊上Lab?咦,飛機同肥熊去左邊?」

「唔知呀,聽佢地講話要去一去C班,唉唔理啦九成咪又係睇女仔。」





「都係,咁我地上去啦。」

踏出班房的一瞬間,我被一個女同學撞到,然後和她相繼倒地,文具和書本都跌在地上。

奇怪的是,我看到五、六名男生在這個女同學背後跟著,而且.........飛機和肥熊?!你們也在偷看那女同學,靠!!真是兩個好色之徒。

「呀!!對唔住呀同學!!你冇事嘛?」那個女生用她溫柔且帶點尖的聲線問候我。

「呃...冇咩事嘅。」咦,這個人好像......





「你冇事就好喇!唔好意思呀我有啲急所以衝去廁所,你知啦......上堂老師通常都唔比去...」

「喔,都係。你好熟面口......」

「我叫陳曉兒,係C班架,你...係卓樂言?」陳曉兒......陳曉兒......跳舞?比賽亞軍?

「你...識我?」她怎會知道我的名字。

她好像愣住了。

「呀...你...你係足球隊嘅人呀嘛!我有朋友都喺足球隊,所以......呀唔講住喇!我要去廁所!」

然後她就一枝箭的跑走了,奇奇怪怪。

「你爽啦!可以同隔離班嘅班花撞埋一齊......我都想呀...」肥熊突然大叫。





「唉,你唔知架喇言仔,曉兒好多男仔埋身,我都係得個睇字。」原來飛機他們去C班是看她......

「是但啦,喂要去上堂喇,快手GOGOGO。」

很快到了午膳時間,我回課室放下筆記,便前往地下飯堂尋找家欣她們。

正當我四處張望時的時候,突然有人叫我的名字。

「喂,卓樂言!」

這個人不是家欣,而是陳曉兒。

「陳曉兒?你都係黎食飯?」





「頂!哈哈哈!黎Canteen梗係食飯啦,唔通喺度跳舞咩!」她雙手抱著纖幼的腰,恥笑著我。

幹......我怎麼會問出如此笨的問題.........

「嘿,我唔阻你喇!我去買飯先!拜拜!」

「喔...拜拜!」我連手也揮不切,她已經轉身走開了。

怎麼又見到她了,難道她有意跟蹤我!?

痴線,學校「這麼大」,會碰到也是正常的吧,不管了,先找家欣她們。

「咦,家欣,得你一個嘅?」

「唉......呀婷佢囉!無啦啦有個高Form走黎搵佢,之後佢就拋低左我喇!嗚嗚嗚...」





豈有此理,鄭君婷你這個八婆重色輕友,真的很想揍你一拳。

「呃...原來係咁,唔緊要啦,你仲有我嘛。」

家欣的眼神飄過另一邊,臉泛紅圈,然後咬緊下唇......

我意到我說的話有點奇怪,立即補充了。

「我嘅意思係...仲有......我......呢...呢個好朋友陪你食!」

「我知!你陪癲足咁多年,我知你總會喺我身邊支持我嘅!」

「你想食咩呀?見你陪我食飯,請你喇。」





「Um......我要B餐,飲茶字典,要藍色嗰隻。」

「冇問題!而加去買!」

有時候,她真的很像一個天使,無論如何,她都會在你身邊。

我跟家欣一邊吃飯一邊聊聊這個暑假的事,她跟我分享有什麼動漫好看,我跟她說說足球隊的事。然後回到課室上課,開學的第一天就這樣過了,感覺跟平時沒太大差別。

回到家第一時間便洗了個澡,因為我是那種不洗澡不上床的人,感覺在外面一整天若然不好好清潔一下自己的身體便攤上床,我的房間會很被我的臭汗污染。

洗完澡後,我打開電腦準備看看有什麼電影值得觀賞一下,我是一個很喜愛看電影的男生,特別是動作片、懸疑片、劇情片,演員們在戲中拳來腳往的節奏都十分吸引。

「言哥,打唔打機呀?」SKPYE突然響起來。

「哦,好呀,FIFA定LOL呀?飛機同白頭佬玩唔玩?」

「佢地好似去左睇港甲,唔喺屋企呀,得我地咋。」肥熊果然是宅男代表。

突然,電話顯示「你收到一則新信息」

「咁呀...我都唔玩喇,得兩條友玩冇乜癮,我都係去做功課先。」

「屌你老尾,搵女就搵女啦!」

「呃...你又知嘅?」

「你咪當我戇鳩先得,今日第一日返學,邊撚到有功課架。」

「頂,唔記得左開學係冇功課,咁既然你知我唔得閒,聽日再打啦,拜!」

「得啦得啦女大過兄弟對我地華嶺古天樂黎講唔係新聞,GOGOGO!」

咦,邊個搵我呢?原來是家欣,她約我明天放學去買些跳舞的東西,我爽快地答應了。
可能是太累的關係,放下電話之後一個不小心就睡著了,張開眼已經是天亮。

「琴晚連飯都未食就訓左。」

「好撚肚餓......」

「醒喇喂,煮左早餐你食。」

我揉揉微微張開的雙眼,望向窗外發現今天竟然下雨了。

「今日咁好死,啲股票嬴左呀?」

「你理得我。」

「今日又會落雨......明明琴日都幾好天。」

我慢慢品嚐著媽媽的早餐,那稍為有點煎過頭的香腸、完全不熟的蛋黃、還有比香蕉更硬的公仔麵,會煮早餐說明她又在股票上賺了錢。也好,這是星期的零用錢看來有著落了。

「正啊......」我摸著脹卜卜的肚子。

「我出去喇。」

「等等呀仔。」

「拿!呢到一千蚊,拎去買下啲文具呀底褲呀,請下女仔食野啦。」

媽媽從口袋掏出一張金色的紙幣然後遞給我。你真的是選對時間給我零用錢了,今天可以陪家欣逛街買東西,本來還在懊惱銀包裡只有五十元,現在有了老媽的資助,太好了。

「多謝曬喎,話左你嬴錢架啦。」

「嬴少少姐,你阿媽係小股神黎架!」

「小賭怡情呀。」